ISAÍAS 42:12 - Dios Rimashcata Quillcashcami

¹² Mandac Diosta sumaimanami cangui nichicyari. Mama cucha patacunapi huillashpa paita cushichichicyari.

ISAÍAS 42:12 Referans Kwoze

ISAÍAS 42:4

Paica cashcata ruhuaccuna cai pachapi tiyangacaman manatac shaicungachu, mana samaringachu. Mama cucha patapi causaccunapish paipac mandashcatami shuyanga» nirca.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

1 SAMUEL 6:5

Cancunapac llactata tucuchicuc chupu shinata, ucuchacuna shinata curimanta ruhuashpa israelcunapac Diostaca allimari cangui nichic. Chashna ruhuacpica cancunatapish, cancunapac dioscunatapish, cancunapac allpacunatapish, paipac poderhuan llaquichinataca saquingapishchari.

SALMOS 66:2

Paipac sumaimana shutita cantaichic. Paitaca sumac tonohuan alli nichic.

SALMOS 97:1

¡Mandac Diosca mandacunmi! ¡Tucui cai pachapi causaccuna cushicuichicyari! ¡Mama cucha patapi causac llactacunapish cushicuichicyari!

ISAÍAS 12:4

Chai punzhapica cancunaca: «¡Mandac Diostaca pagui nichicyari! ¡Paipac shutita caparishpa, pagui nishpa cantaichicyari! Pai ruhuashcataca tucui llactapi causaccunaman huillaichicyari. Paipac shuti jatun cashcata yuyarichicyari.

ISAÍAS 43:21

Cai acllashcacunataca ñucapac cachunmi ruhuarcani. Tucui paicunami ñucataca alli nishpa cantanga.