Biblia Todo Logo
Bib sou entènèt

- Piblisite -




ISAÍAS 41:9 - Dios Rimashcata Quillcashcami

9 Ñucaca cancunataca cai pacha tucurimantapish, mai caru llactamantapish cayashpami: «Ñucata serviccunami canguichic. Cancunata acllashpaca, mana saquircanichu.

Gade chapit la Kopi




ISAÍAS 41:9
23 Referans Kwoze  

Ashtahuanpish Mandac Diosca paipac shuti jatun cashcamantaca pai acllashcacunata mana chingachingachu. Mandac Diosca paipaclla cachunmi cancunataca acllarca.


Mandac Diosca paipac gentecunataca mana saquingachu. Paipaclla causaccunataca manatac cungaringachu.


Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.


Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.


Dios maipi mandacucpi micungapac, tiyaringapacmi tucui llactacunamanta tandanacunga.


Israelcunalla, cancunaca ñucata serviccunami canguichic. Jacobopac huahua huahuacunalla, ñuca acllashcacunami canguichic. Cancunaca ñucahuan apanacuc Abrahampac huahua huahuacunami canguichic.


¿Pitac jatun mandactaca ricchachishpa, inti llucshina ladomanta pushamurca? Paimanmi tucui llactacunata mandachun cunga. Chashna cucpimi, tucui jatun mandaccunata mandanga. Espadahuanmi ñuto allpata shina ruhuanga. Arcohuanca chaquishca pangata shinami maita shitanga.


Cancunaca, Mandac Diospac acllashca, jucha illac gentecunami canguichic. Mandac Diosca chican gente cachunmi tucui cai pachapi causaccunamanta acllarca.


Mandac Diosmi Jacobotaca acllarca. Israelcunatapish paimi paipaclla cachun chicanyachirca.


Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.


Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.


Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.


Cunanca, ñucata servic Jacobopac huahuacunalla, ñuca acllashca israelcunalla uyaichicyari.


Ñucata servic Jacobotapish, ñuca acllashca israelcunatapish cuyashcamantami cantaca shutipi cayarcani. Ñucata can mana ricsicpipish, cantaca tucui mashna ricsishca cachunmi churarcani.


Mandac Dios israelcunataca: «Ñucaca cancunata cuyarcanimi. Chashna cuyacpipish cancunaca: “¿Ima shinatac ñucanchictaca cuyarcangui?” nircanguichicmi. ¿Manachu Esauca Jacobopac huauqui carca? Chashna cacpipish, Jacobollatami cuyarcani. Chaitaca Mandac Dios ñucami nini.


Swiv nou:

Piblisite


Piblisite