ISAÍAS 41:29 - Dios Rimashcata Quillcashcami

²⁹ Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

ISAÍAS 41:29 Referans Kwoze

JEREMÍAS 5:13

Ashtahuanpish ñuca ima nishcata huillaccunaca huaira shinami chingaringa. Dios ima nishcata huillaccunaca mana huillacunchu. Chaimantami paicuna huillashca shinallatac tucuringa.

ISAÍAS 41:24

Riquichic, cancunaca imapish mana canguichicchu. Cancuna maipi imata ruhuashcapish mana ricurinchu. Cancunata acllashpa charictaca millanayanmi.

HABACUC 2:18

Artesano ruhuashca diosca, ¿imapactac valin? Yacuyachishpa ruhuashca diosca, ¿imapactac valin? Chai diosca llullamanmi apan. Imamanpish riccha, mana rimaric dioscunata ruhuacca, ¿ima shinatac chai dioscunapi shunguta churanga?

JUECES 18:17

Chai levita cura macanacuna apashca sucta patsac soldadocunahuan pungu yaicunapi shayacucpica llactata puringapac ric pichca soldadocunaca Micaiaspac huasiman yaicushpami huasipi charina dioscunatapish, cullquita yacuyachishpa, caspita llacllashpa ruhuashca diostapish, aparca.

1 SAMUEL 12:21

Yanga dioscunata ama catichicchu. Paicunaca yanga cashcamanta imapac mana servinchu. Mana quishpichinchu.

ISAÍAS 2:8

Shinallatac paicunapac llactapica yanga dioscunapish jundami. Paicunapac maquihuan ruhuashca dioscunatami adorancuna.

ISAÍAS 17:8

Paicunapac maquihuan ruhuashca altarcunatapish, Asera huarmi diosta yuyarina yuratapish, paicunapac maquihuan ruhuashca dioscunatapish, inciensota rupachina altartapish mana ricungachu.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

SALMOS 96:5

Shuctac gentecunapac dioscunaca yangalla dioscunami. Ashtahuanpish Mandac Diosmi jahua pachataca ruhuarca.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

ZACARÍAS 10:2

Yanga dioscunaca llullaccunami. Adivinocunaca llullallatami muscun. Muscushcata huillashpapish, yangallami cushichin. Chaimantami gentecunaca ovejacuna shina, purin. Paicunaca michic illac cashpami, llaquilla causan.