ISAÍAS 41:2 - Dios Rimashcata Quillcashcami

² ¿Pitac jatun mandactaca ricchachishpa, inti llucshina ladomanta pushamurca? Paimanmi tucui llactacunata mandachun cunga. Chashna cucpimi, tucui jatun mandaccunata mandanga. Espadahuanmi ñuto allpata shina ruhuanga. Arcohuanca chaquishca pangata shinami maita shitanga.

ISAÍAS 41:2 Referans Kwoze

ISAÍAS 45:1

Mandac Diosmi Cirotaca aceitehuan cahuishpa mandac cachun churarca. Paitami alli lado maquimanta aisashpa, shuc llactapi causaccunata cumurichichun, jatun mandaccuna chumbillirishcata surcuchichun apamurca. Shinallatac paipac ñaupapi pungucuna pascashca saquirichunmi chashnaca apamurca. Mandac Diosca paitaca:

2 SAMUEL 22:43

Paicunataca ñuto allpata shina ruhuarcani. Ñanpi siricuc turu shinatami sarushpa saquircani.

ISAÍAS 46:11

Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.

ISAÍAS 41:25

Jahua lado llactamantami shuc runata pushamusha. Inti llucshina lado llactamanta shamushpami, ñuca shutipi mañanga. Paica jatun mandaccunataca turuta saruc shinami mandanga. Mangata ruhuac runa turuta saruc shinami sarunga» ninimi.

ISAÍAS 40:24

Cunanlla plantashca yurata shina, cunanlla tarpushca yurata shina, cunanlla huiñashpa, sapita mana charic yurata huaira huactashpa chaquichic shinami, utca chaquichin. Chaquicpica, acapana huaira shamushpami ucshata shina apan.

ESDRAS 1:2

Persia llactata jatun mandac Ciroca: «Jahua pachata Mandac Diosmi tucui cai pachapi tiyac llactacunata mandachunpish, shinallatac Judá llactapi cac Jerusalenpi Diospac huasita shayachichunpish mandarca.

ISAÍAS 45:13

Ñucami mandac Cirotaca cashcata ruhuanata yachachishpa, alli ñanta pusharcani. Paimi ñuca llactataca cutin shayachishpa, ñuca acllashcacunata prezumanta cacharichimunga. Paica ima cullquita, ima caranata mana japishpami chashna ruhuanga» ninmi. Chaitaca tucuita Mandac Diosmi nini.

2 CRÓNICAS 36:23

Persia llactata jatun mandac Ciroca: «Jahua pachapi causacuc Mandac Diosmi ñucataca cai pachapi tiyac tucui llactacunata mandachunpish, Judá llactapi tiyac Jerusalenpi paipac huasita shayachichunpish mandarca. Shina cashcamanta cancunapurapi Pai acllashca Mandac Diosta caticcuna caipi tiyashpaca, tucui Judá llactaman cutichuncuna. Paicunata Mandac Diosca paicunahuan cachun» nishpami huillarca.

HEBREOS 7:1

Melquisedecca jahua pacha Diospac curapish, Salem llactata jatun mandacpishmi carca. Abraham jatun mandaccunahuan macanacushpa, mishashpa shamucpica, Melquisedecca tupangapac llucshishpami, Dios bendiciachun nirca.

2 REYES 13:7

Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

GÉNESIS 11:31

Tareca paipac churi Abramtapish, paipac nieto Lottapish, paipac nuera Saraitapish pushashpami, caldeocuna causana Ur llactamanta llucshirca. Shinami Harán llactaman chayashpa, chaipi causai callarirca.

APOCALIPSIS 7:2

Shinallatac inti llucshic ladomanta shuc ángel shamuctami ricurcani. Paica causac Diospac sellotami charicurca. Chai angelmi mama cucha yacutapish, cai pachatapish huacllichingapac poderta charic chuscu angelcunata sinchita caparirca. Paica:

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.

ISAÍAS 41:3

Pai catishpaca allpapi chaquita mana churac shinami yallita callpan.

ISAÍAS 42:6

«Mandac Dios ñucami cantaca cashcata ruhuachun cayashpa, maquimanta aisashpa cuidasha. Cantaca ñuca acllashcacunahuan ari nishcata ruhuachun, shuc llactapi causaccunapac luz shina cachun,

ISAÍAS 48:15

Ñucallatacmi chashna rimashpa, cayashpa pushamurcani. Chaimantami tucui pai ima ruhuashcaca alli canga.

LAMENTACIONES 1:15

Mandac Diosmi ñucata cuidac sinchi runacunataca ñuca ñaupamanta anchuchirca. Paica, achca soldadocunata tandachishpami, quipa huiñai mosocunata tucuchirca. Mandac Diosmi Judá llactapi causac carihuan manarac chayarishca solteracunataca uvasta sarushpa ñutuchic shina ruhuarca.