ISAÍAS 40:7 - Dios Rimashcata Quillcashcami

⁷ Mandac Diospac huairata cachacpica, quihuapish chaquinllami. Sisapish anguyashpa urmanllami. Gentecunaca quihua shinami.

ISAÍAS 40:7 Referans Kwoze

JOB 41:21

Paipac samaillami carbonta rupachin. Shimimantaca culun nicuc ninami llucshin.

SANTIAGO 1:10

Shinallatac chayucpish Dios yangallata ruhuacpica cushillami cana can. Chayucca quihua sisa chaquiric shinami tucunga.

SANTIAGO 1:11

Yuraca inti llucshishpa, nina rupaihuan chaquichicpica, sisaca urmanmi, pai sumac cashcaca chingarinmi. Chai shinallatacmi chayucpish, paipac randina, catunapica chingarin.

JOB 4:9

Diospac samaillahuanmi huañuncuna. Pai yallita piñarishpa, pucucllapimi tucurincuna.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

SALMOS 90:5

Gentecunataca jatun yacuta cacharic shinami tucuchingui. Muscushca shinallami chingarincuna. Tutamanta huiñashca quihua shinami canchic.

SALMOS 90:6

Quihuaca tutamanta huiñashpa sisashca cashpapish, chishipacca anguyashpa chaquinllami.

SALMOS 102:4

Ñuca shunguca chugririshpa quihua shinami chaquishca. Chaimantami ñuca micunatapish cungarircani.

SALMOS 103:16

huaira huactacpica, chaquishpa huañunllami. Chai quipaca maipi cashcataca pi mana yachanchu.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 37:27

Chai llactapi causaccunaca cumurichishca cashpami, imatapish mana ruhuai pudincuna. Paicunaca pambacunapi micunalla llullu quihua shina, huasi jahuapi manarac alli huiñashpa, chaquic quihua shinami.

ISAÍAS 40:24

Cunanlla plantashca yurata shina, cunanlla tarpushca yurata shina, cunanlla huiñashpa, sapita mana charic yurata huaira huactashpa chaquichic shinami, utca chaquichin. Chaquicpica, acapana huaira shamushpami ucshata shina apan.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

HAGEO 1:9

Cancunaca achcata cosechanata munashpapish, ashallatami japinguichic. Cancunapac huasicunapi huacaichishcataca pucushpami tucui chingachisha. ¿Imamantatac chashna ruhuasha? Chaica, ñuca huasi llaquinayaita siricucpipish, cancunapac huasicunatarac sumacta allichishcamantami chashna ruhuasha.

SALMOS 103:15

Runapac causaica quihua shinami. Campopi huiñashca sisa shina cashpapish,