ISAÍAS 40:23 - Dios Rimashcata Quillcashcami

²³ Paica jatun poderta chariccunataca yangallata ruhuan. Cai pachata mandaccunatapish yangapimi churan.

ISAÍAS 40:23 Referans Kwoze

SALMOS 107:40

Diosmi mandaccunata yangallata ruhuashpa, ñanpish illac yangalla purichun saquirca.

JOB 12:21

Jatun mandaccunatapish mana valichinllami. Alli sinchita huatallishcatapish pascachinllami.

ISAÍAS 34:12

Chai llactataca: «Jatun mandacta mana charic» nishpami cayanga. Mandaccunapish yangallami tucunga.

ISAÍAS 23:9

Tucuita Mandac Diosmi alli nishca, jatun tucushcacunata yangapi churashpa, pingaichingapac yuyarishca.

SALMOS 76:12

Paimi mandaccunata cumurichin. ¡Paica cai pachata jatun mandaccunapac manchana Diosmi!

ISAÍAS 5:21

¡Aij, paicunapac yuyaipi “Alli yachaccunami canchic, alli yuyaiyucmi purinchic” niccunalla!

AMÓS 2:3

Paicunapac jueztaca paicunapac chaupimanta anchuchishpami, caishuc mandaccunandi huañuchisha. Chaitaca Mandac Dios ñucami nini» ninmi.

JOB 12:19

Curacunataca paicuna imata ruhuana cashcamanta anchuchinmi, poderta chariccunatapish llucchishpami cachan.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 2:12

Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.