ISAÍAS 40:14 - Dios Rimashcata Quillcashcami

¹⁴ Allita entendingapacca, ¿pitatac cunachun mañarca? Mana cashpaca, ¿pitatac cashcata ruhuanata yachachichun nirca? Mana cashpaca, ¿pitac allita yachachishpa, alli ñanpi churarca?

ISAÍAS 40:14 Referans Kwoze

JOB 21:22

Diosca jahua pachapi causaccunata taripacmi. Shina cacpica, ¿pitac paitaca yachachi pudingayari?

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

GÉNESIS 1:2

Cai pachaca chushaclla, manchaipac pura, imaman ricchapish mana carcachu. Diospac Espiritullami caiman chaiman yacu jahuapi cuyuricurca.

JOB 38:4

¿Ñuca cai pachata ruhuacucpica, maipitac carcangui? Allita entendic cashpaca huillaiyari.

SALMOS 119:35

Can mandashcacunapi nishca shina pushaiyari. Ñucaca chaicunahuanmi cushicusha.

ISAÍAS 41:28

Ñuca ricucpica, pipish mana ricurircachu. Ñucaca tucui chaicunatami tapurcani. Chaita tapucpi, ima yuyaita cucca pipish mana tiyarcachu. Paicunata tapucpica, shuc rimaillatapish mana rimarcachu.

JOB 36:23

¿Pitac pai imata ruhuashcataca tapungayari? ¿Pitac paitaca: “Canca mana allitami ruhuashcangui” ningayari?