ISAÍAS 4:5 - Dios Rimashcata Quillcashcami

⁵ Chai quipami Mandac Diosca punzhaca yana puyuta, tutaca rupacuc achicyachic ninata Sión urcupi tiyac tucui huasicunapac jahuapi churanga. Diosca paicunataca sumaimana achic nicuc-huan shinami tapanga.

ISAÍAS 4:5 Referans Kwoze

NEHEMÍAS 9:12

Chashnami israelcunataca punzhaca suni puyuhuan, tutaca suni ninahuan achicyachishpa, maita rinata pusharcangui.

SALMOS 78:14

Punzhaca puyuhuan ñaupashpa, tutaca ninahuan achicyachishpami paicunataca pusharca.

ISAÍAS 60:1

¡Sión llactalla, jatariyari! ¡Achicyachiyari! Canta achicyachic luzca ñami shamushca. Cambac jahuapica Mandac Diospac achic nicucmi achicyachicun.

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

ISAÍAS 33:20

Jatun fiestacunata ruhuac ñucanchic Sión llactata ricuichic. Jerusalenpica mana manchashpa causacuctapish, mana pascaipac carpa huasicunatapish ricunguimi. Carpacunata charicuc ishtacacunatapish pi mana llucchingachu. Carpacuna huatashca huascacunataca shucllatapish mana pitingachu.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

ÉXODO 14:24

Tutamanta ña pacaricucpimi, Mandac Diosca Egipto runacunataca suni nina puyumanta ricushpa, tucuita muspachirca.

ISAÍAS 37:35

Ñucallatac cuyarishcamanta, ñucata servic Davidta cuyashcamantami cai llactapi causaccunata ayudashpa quishpichisha” ninimi» nirca.

ISAÍAS 32:18

Ñuca acllashcacunaca cushilla llactapimi causanga. Ima llaquipish illac huasipimi cushilla samaringa.

SALMOS 111:1

Mandac Diostaca, allita ruhuaccunahuan cashpa, jatun tandanacuipimi tucui shunguhuan alabasha.

ÉXODO 26:7

Dios-huan tupana huasi jahuata tapangapacca, chivo millmamanta chunga shuc pañota ruhuangui.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

SAN MATEO 18:20

Maipimi ishcai, mana cashpaca quimsa ñuca shutipi tandanacucpica, ñucaca chaipimi cani— nirca.

ÉXODO 24:16

Mandac Diospac sumaimana achicmi Sinaí urcu jahuapi carca. Sucta punzhatami puyuca chai urcuta taparca. Canchisniqui punzhapimi Mandac Diosca Moisesta puyu chaupimanta cayarca.

SALMOS 105:39

Paicunata llanduchunca puyuta, tutata achicyachichunca ninatami cacharca.

ISAÍAS 60:2

Riquichic, cai pachataca pura tutami tapanga. Llactacunapica amsayangami. Shina cacpipish, Mandac Diospac sumaimana achicmi cambac jahuapica achicyachishpa ricuringa.