ISAÍAS 39:8 - Dios Rimashcata Quillcashcami

⁸ Shina nicpimi, Ezequiasca Isaiastaca: —Can ñucaman huillashca Mandac Dios rimashcacunaca tucuimi alli— nirca. Paica: “Ñuca causacui punzhacunaca ima llaquipish mana japishca, cushillami causasha” yuyarcami.

ISAÍAS 39:8 Referans Kwoze

2 CRÓNICAS 32:26

Shina cashpapish, Ezequiasca paipac shungupi jatun tucushca cashpapish, tucui Jerusalenpi causaccunandimi llaquirishpa cumurirca. Chaimantami Mandac Diosca nina japiric shina piñarishca cashpapish, Ezequías causacuc punzhacunapica mana llaquichirca.

2 CRÓNICAS 34:28

Riquichic, ñucami cantaca cambac ñaupa taitacunahuan tandachisha. Canca ima llaquitapish mana apashpami samaringui. Canca cai llactata, cai llactapi causaccunata ñuca llaquichictaca mana ricunguichu’ ninmi” nigrichic— nirca. Chai runacunaca tucuimi jatun mandacman huillarcacuna.

1 PEDRO 5:6

Pai jatunyachina punzha cancunata jatunyachichunca, ama jatun tucushpa, imatapish ruhuaclla Diospac maquipi causaichic.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

ZACARÍAS 8:16

Cancunaca caicunatami ruhuana canguichic: Caishuc-huan chaishuc-huan cashcallata parlaichic. Cashcallata ruhuashpa taripaichic. Chashna ruhuashpami cushilla causanguichic.

LAMENTACIONES 3:39

Juchamanta llaquichishca runaca, ¿imamantatac llaquirin?

LAMENTACIONES 3:22

Mandac Dios llaquic cacpimi, mana tucurishcanchic. Paica ñucanchicta llaquicunllami.

SALMOS 39:9

Canllatac ñucata llaquichishcamantami mana rimashpa upalla saquirini.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

2 SAMUEL 15:26

Shina cacpipish: “Canca ñuca ñaupapi mana allichu cangui” nicpica, caipimi cani. Pai munashca shina imatapish ruhuachunlla— nirca.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.