ISAÍAS 38:3 - Dios Rimashcata Quillcashcami

³ «Mandac Dioslla, cambac ñaupapi mana llullashpa, tucui shunguhuan canta cazushpa causashcatapish, cambac ñaupapi allita ruhuashpa causashcatapish yuyariyari» nishpami, yallita llaquirishpa huacarca.

ISAÍAS 38:3 Referans Kwoze

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

NEHEMÍAS 13:14

Ñuca mañashpaca: «¡Ñuca Dioslla, chashna allicunata ruhuashcamantaca ñucata yuyaringuiyari! ¡Diospac huasipi cuyaihuan imata ruhuashcatapish, canta servishcatapish ama cungaringuichu!» nircani.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

NEHEMÍAS 13:22

Chai quipami samana punzhaca Diospaclla chicanyachishca punzha cachun levitacunataca Diospaclla tucushpa, pungucunapi cuidac shamuchun mandarcani. Ñuca: «¡Dioslla, ñuca chashna ruhuashcacunataca yuyaringuiyari! ¡Canca llaquicmi cangui! ¡Chaimanta ñuca mana allita ruhuashcacunataca cungaringuiyari!» nircani.

NEHEMÍAS 5:19

«Ñuca Dioslla, cai llactapi causaccunaman cai tucui allicunata ruhuashcamantaca ñucamanpish allita ruhuangapac yuyaringuiyari» nircani.

DEUTERONOMIO 6:18

Cancunapac taitacunaman cushami nishpa ari nishca llactata japishpa, alli causangapacca Mandac Diospac ñaupapi imatapish allita, cashcata ruhuashpa causanguichic.

SALMOS 6:8

Mandac Diosca ñuca huacashpa mañashcata uyashcami. Chaimanta millaita ruhuaccuna ñucapac ñaupamanta anchurichic.

1 CRÓNICAS 29:19

Shinallatac ñuca churi Salomón ima pandata ama ruhuachun alli yuyaita cungui. Shina cucpimi can mandashcacunata, ima shina causanata yachachishcacunatapish, quillcashcacunatapish pactachishpa, ña allichishca cambac huasitapish shayachinga» nirca.

OSEAS 12:4

Jacoboca angelhuan macanacushpa mishashpaca, yallita huacashpami mañarca. Jacoboca Bet-elpimi Dios-huan tuparca.

SALMOS 119:80

Mana pingaichishca cangapacca can mandashcacunata tucui shunguhuan allita pactachicta ruhuaiyari.

SALMOS 102:9

Chaimantami tandata shina uchupata micurcani. Ñuca ubianataca huiquihuanmi chapuni.

SALMOS 32:2

Mandac Dios mana juchanchishca runaca cushicunmi. Paipac shungupica llullana munaica mana tiyanchu.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

SALMOS 26:3

Can llaquishcataca ñuca yuyaipimi charini. Cambac mana llullashca shimi nishca shinami causani.

SALMOS 16:8

Ñuca causaipica Mandac Diostami tucuipac ñaupapi churani. Pai ñuca alli ladopi cacpica, imapish mana cuyuchingachu.

NEHEMÍAS 13:31

Ima horas Diosman cuna yantata, punta pucushca granota cunatapish allichircanimi. «¡Ñuca Dioslla, ñuca chashna ruhuashcamantaca ñucamanpish allita ruhuanata yuyaringuiyari!»

NEHEMÍAS 1:4

Chaita uyashpami, ñucaca tiyarishpa huacashpa maijan punzhacunata duelo carcani. Shinallatac jahua pachapi causac Diospac ñaupapimi mana micushpa mañarcani.

ESDRAS 10:1

Esdras Diospac huasi ñaupapi cungurishpa huacashpa, juchacunata huillashpa mañacucpimi, achca israelcuna caricunapish, huarmicunapish, huahuacunapish Esdraspacman cuchuyamurca. Chaipica achca gentecunami yallita huacacurca.

2 CRÓNICAS 25:2

Amasiasca mana tucui shunguhuan ruhuacushpapish Mandac Diospac ñaupapica allitami causarca.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

1 CRÓNICAS 29:9

Gentecunaca mana llaquirishpa tucui shunguhuan, Mandac Diosman ofrendata cushcamantami cushicurca. Shinallatac jatun mandac Davidpish yallitami cushicurca.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

GÉNESIS 6:9

Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca:

1 REYES 15:14

Ashtahuanpish lomapi tiyac altarcunataca mana anchuchircachu. Shina cashpapish, Asapac shunguca tucui causaipimi Mandac Dios-huan alli carca.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

SALMOS 6:6

Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

ISAÍAS 38:2

Shina nicpimi, Ezequiasca pirca ladoman tigrarishpa, Mandac Diosta mañashpaca:

ISAÍAS 38:4

Mandac Diosca Isaiastaca:

2 REYES 18:3

Ezequiasca Mandac Diospac ñaupapica paipac ñaupa taita David shinallatacmi allita ruhuashpa causarca.