ISAÍAS 38:13 - Dios Rimashcata Quillcashcami

¹³ Punzhayangacamanmi huacacurcanilla. Shuc león micushpa, tucui tullucunata polvoc shinami nanachicungui. Punzhapish, tutapish nanaihuanmi tucuchicungui.

ISAÍAS 38:13 Referans Kwoze

DANIEL 6:24

Chai quipaca jatun mandacca Danielta juchanchic mandaccunata apamuchunmi mandarca. Chashna apamucpimi, paicunataca huarmindi, huahuacunandi leoncuna causana jutcupi shitarca. Paicuna manarac chai jutcu pambaman chayacpimi, japishpa tullucunata polvoshpa micurca.

SALMOS 51:8

Yallita cushi canata huillaiyari. Chaipica can llaquichishca tullucunapish cushicungami.

OSEAS 5:14

Ñucaca Efraín aillutaca león shinami llaquichisha. Judá llactapi causaccunataca huahua león shinami apasha. Ñucallatacmi paicunataca apa risha. Ñuca maquimanta cacharichicca pi mana tiyangachu.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 39:10

Can churashca ungüitaca ñucamanta anchuchiyari. Cambac maquihuan llaquichicucpimi ñucaca tucuricuni.

1 REYES 20:36

Chaimantami chai runaca: —Mandac Dios mandashcata mana cazushcamantami ñuca ladomanta can ricpica, shuc león tupashpa cantaca huañuchinga— nirca. Pai chai ladomanta ricpica, shuc leonmi ñanpi tupashpa huañuchirca.

SALMOS 7:2

Paicuna ñucata japishpaca león shinami pitinacunga. Chashna ruhuacpica pipish mana misangachu.

SALMOS 32:4

Tutapish, punzhapish cambac maquica llaquichishpami catirca. Verdinlla quihua shina cashpapish, usyaipi chaquishca quihua shinami tucurca.

LAMENTACIONES 3:4

Ñuca aichatapish, ñuca caratapish tucuchishpami, ñuca tullucunatapish paquirca.

JOB 7:6

Ñuca causaica ahuac runapac lanzaderatapish yallimi callpashpa tucuricun. Chashnami ima shuyanata mana charishpa chingarigricuni.

SALMOS 90:5

Gentecunataca jatun yacuta cacharic shinami tucuchingui. Muscushca shinallami chingarincuna. Tutamanta huiñashca quihua shinami canchic.