ISAÍAS 38:12 - Dios Rimashcata Quillcashcami

¹² Ñuca causana huasipish ovejata michina carpata shinami, shuc ladoman anchuchirca. Ahuac runa ahuashcata pitic shinami, cai ungüihuan ñuca causaica pitirin. Punzha cashpa, tuta cashpapish tucurigrinimi” yuyarcami.

ISAÍAS 38:12 Referans Kwoze

HEBREOS 1:12

Canca churanata pataric shinami, chaicunataca pataringui. Shuctac churanata churachic shinami, shuctacyachingui. Shina tucucpipish canca canllatacmi cangui, huiñaitami causacungui” ninmi.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

SALMOS 73:14

Ashtahuanpish punzhantami azotishca causani. Tucui tutamantami macashca purini.

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

2 CORINTIOS 5:4

Cai carpa huasi shina cuerpohuan causacushpaca, llaquihuanmi causacunchic. Lluchulla shinaca mana cashun ninchicchu, ashtahuanpish churanata churaric shinami, cai huañunalla cuerpotaca mushuc causaihuan chingachinata munanchic.

ISAÍAS 13:20

Chaipica pi mana ashtahuan causangachu. Chaipica quipa huiñaicunapish mana causangachu. Arabeocunapish mana carpa huasicunata shayachingachu. Michiccunapish corralta mana ashtahuan ruhuangachu.

ISAÍAS 1:8

Sión llactaca uvas chagra chaupipi ruhuashca chuclla shina, melón chagra chaupipi ruhuashca chuclla shinami saquirishca. Chai llactaca piñaccunapac chaupipi shinami saquirishca» nini.

SALMOS 119:23

Mandaccuna paicunapura tiyarishpa, ñucata rimacucpish, canta servic ñucaca pactachichun can cushca shimicunatami yuyaricurcani.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 31:22

Ñucaca manchaihuan upayashpami: «Cambac ñaupamantaca anchuchishca cani» nishpami yuyarcani. Ashtahuanpish caparishpa mañacpica, uyarcanguimi.

JOB 17:1

Ñuca samaica tucuricunmi. Ñuca causai punzhacunapish tucurimunmi. Ñucata enterrarina jutcupish shuyacunmi.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

JOB 6:9

Dios ñucata, ñutuchishpachari alli canman. ¡Paipac maquita chutashpa, ñucata tucuchishpachari alli canman!

JOB 4:20

Paicunaca tutamanta alli cashpapish, chishipacca tucurincunallami. Chashna cashcamantami pipish mana yuyarishca huiñaita tucuringalla.

SALMOS 90:5

Gentecunataca jatun yacuta cacharic shinami tucuchingui. Muscushca shinallami chingarincuna. Tutamanta huiñashca quihua shinami canchic.