ISAÍAS 34:5 - Dios Rimashcata Quillcashcami

⁵ Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

ISAÍAS 34:5 Referans Kwoze

JEREMÍAS 46:10

Chai punzhaca tucuita Mandac Diospac punzhami canga. Paita piñaccunataca llaquichina punzhami canga. Espadaca tucuita huañuchishpami, yahuarsapa tucushpa, machashca shina canga. Tucuita Mandac Diosca jahua lado llacta Eufrates yacu patapimi yallita huañuchinga.

MALAQUÍAS 1:4

Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SOFONÍAS 2:12

Etiopía llactapi causac cancunapish Mandac Diospac jatun macanacuipimi huañunguichic.

JEREMÍAS 47:6

Mandac Diospac espadalla, ¿ima horastac samarigringui? Espadalla, huacaichinapi yaicushpa samariyari.

ISAÍAS 24:6

Chaimantami cai pachataca Dios cachashca llaqui tucuchicun. Cai pachapi causaccunaca shitashcami saquirin. Cai pachapi causaccuna juchata ruhuashcamantami chashna llaquichin. Chaimantami cai pachapi causaccunaca chingarishpa, maijanlla saquirishca.

SALMOS 137:7

Mandac Dioslla, edomitacunata yuyariyari. Jerusalenta llaquichicuc punzhapica paicunaca: «Urmachichic. Callari rumicunatapish ama saquishpa urmachichic» nircacunami.

SALMOS 17:13

¡Mandac Dioslla jatariyari! ¡Paicunahuan shayarishpa, paicunata cungurichiyari! Millai gentecunapac maquimanta cambac espadahuan quishpichiyari.

DEUTERONOMIO 32:14

Vaca leche mantequillatapish, oveja lechetapish, maltón oveja huirahuan, cari oveja huirahuanmi cararca. Basanmanta cari chivohuan, tucuimanta yalli alli trigohuanmi cararca. Sumac uvas vinotami ubiachirca.

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

2 PEDRO 2:14

Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.

GÁLATAS 3:10

Mandashcacunata pactachishpalla Dios alli tucusha niccunaca jatun llaquitami apangacuna. Dios quillcachishcapica: «Mandashcacunata mana tucui allita pactachictaca, llaquichingapac chicanyachishcami canga» ninmi.

1 CORINTIOS 16:22

Maijanpish Apunchic Jesusta mana cuyactaca, llaquichishca cachun. ¡Ñucanchic Apunchic Jesús, shamuilla!

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

ISAÍAS 65:12

Chaimantami cancunataca espadahuan huañuchichun saquisha. Huañuchiccunapac ñaupapimi cunguringuichic. Cancunaca ñuca cayacpipish, ñuca rimacpipish, mana uyarcanguichicchu. Chaipac randica ñuca ñaupapimi mana allita ruhuarcanguichic. Ñuca millanayachishcataracmi ruhuanata munarcanguichic» ninmi.

EZEQUIEL 32:29

Edom llactapish jatun mandaccunandi, quipa mandaccunandimi chaipi siricun. Paicunaca yalli sinchi cashpapish jatun macanacuipi huañushcacunahuan, circuncisionta mana ruhuashcacunahuan pactami enterrashca siricun.

EZEQUIEL 35:1

Mandac Dios ñucata rimashpaca:

EZEQUIEL 35:8

Urcucunapipish, lomacunapipish, pambacunapipish, yacu huaicucunapipish, jatun macanacuipi huañushcacunami jundanga.

EZEQUIEL 35:15

Canca israelcunaman ñuca cushca llacta llaquinayai tucuchishcata ricushpaca cushicurcanguimi. Chashnallatacmi cantapish llaquichisha. Seir urcupish, Edom llactapish chaipi tucui causaccunandimi llaquinayaita tucuchishca canga. Shina ruhuacpimi, ñucataca Mandac Dios cashcata yachangacuna nini” ninmi ningui.

ISAÍAS 21:11

Duma llacta llaqui tucunamanta huillashcami. Seir llactamantaca: «Chapac runa, ¿ñachu pacarimun? Chapac runa, ¿ñachu achicyagrin?» nishpami caparirca.

EZEQUIEL 36:5

Chaimantami Mandac Dios ñucaca: Shuctac llactapi causaccunapish, Edom llactapi causaccunapish, ñuca llactataca cushicushpami japirca. Chaipi causaccunata yallita piñashpami, prezu aparca. Chaimantami ñucaca nina japiric shina yallita piñarishpa rimarcani.

SOFONÍAS 1:7

¡Mandac Diospac ñaupapi upalla caichic! ¡Mandac Dios llaquichina punzhami pactamucun! Mandac Diosca animalta huañuchic shina ruhuangapacmi allichishca. Chaipacmi paicunata piñachiccunata cayashca.