ISAÍAS 33:6 - Dios Rimashcata Quillcashcami

⁶ Paica allitami mandanga. Cushi causaimi tiyanga. Shinallatac alli yuyaipish, quishpirinapish yallimi tiyanga. Mandac Diosta manchanami yalli valishcacunatapish yalli valin.

ISAÍAS 33:6 Referans Kwoze

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

PROVERBIOS 19:23

Mandac Diosta manchac runaca causangami. Paita manchashpaca imatapish mana manchashpa cushillami causanga. Ima llaquipish mana japingachu.

1 TIMOTEO 6:6

Maijanpish ima charishcallahuan cushi causashpaca, pai crishcamantaca yallita charishca shinami can.

ECLESIASTÉS 7:19

Alli yachac runataca pai yachacushcami, shuc pueblopi causac chunga mandaccunatapish yalli sinchiyachinga.

PROVERBIOS 14:27

Mandac Diosta manchanaca causaita cuc yacu llucshicuc shinami. Shinallatac huañuchic tucllamanta anchuchinmi.

SALMOS 28:8

Mandac Diosca pai acllashcacunapac sinchi pirca shinami. Pai aceitehuan cahuishpa acllashca runapacca quishpichic shinallatac jarcarinami can.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

ECLESIASTÉS 7:12

Alli yachaipish, cullquipish escudo shinami jarcan. Shina cacpipish alli yachaimi yachaccunamanca causaita cun.

PROVERBIOS 28:2

Llactapi causaccuna mana cazushcamantami mandaccunaca shuctac shuctac ricurin. Ashtahuanpish yachaisapa mandacca pipish mana cuyuchipac mandacunllami.

PROVERBIOS 15:16

Achca charishcahuan pandarinapac randica ashallata charishpapish, Mandac Diosta manchashpa causanami ashtahuan alli.

SALMOS 140:7

Ñucata quishpichic Mandac Dioslla, canmi jatun macanacui punzhapica ñuca ama huañuchun cuidarcangui.

SALMOS 45:4

Can sumaimana cashcamantaca, tucuipimi alli llucshingui. Cambac poderhuanmi carretata caballocunapi aisachishpa yangalla shinacunaman cashcata ruhuangapac, mana llullac cashcahuan millaita ruhuaccunata llaquichingui. Alli maquihuanca mai mancharinacunatami ruhuangui.

2 CORINTIOS 6:10

Llaquilla cashpapish, punzhantami cushicunchic. Huacchacuna cashpapish, taucacunatami chayucyachinchic. Imata mana charic cashpapish, tucuitami charinchic.

PROVERBIOS 29:4

Jatun mandacca cashcata ruhuashpa mandashpami, llactata sinchiyachin. Ashtahuanpish yallita impuestohuan gentecunata llaquichic mandacca llactatami tucuchin.

2 REYES 18:7

Mandac Dios Ezequias-huan cacpimi pai imata ruhuacpipish tucui alli llucshirca. Asiria llactata jatun mandacta mana cazushpami, mana servirca.

PROVERBIOS 14:26

Mandac Diosta manchaccunaca paipi shunguta churashpami causancuna. Chashna manchacpimi churicunapish pai cuidashca causangacuna.

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

ISAÍAS 26:1

Chai punzhapi Judá llactapi cantashpaca: «Muyundita pircashca llactatami charinchic. Diosmi ñucanchicta quishpichingapac ishcai pircata shina muyundita ruhuarca.

ISAÍAS 33:20

Jatun fiestacunata ruhuac ñucanchic Sión llactata ricuichic. Jerusalenpica mana manchashpa causacuctapish, mana pascaipac carpa huasicunatapish ricunguimi. Carpacunata charicuc ishtacacunatapish pi mana llucchingachu. Carpacuna huatashca huascacunataca shucllatapish mana pitingachu.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

ISAÍAS 51:14

Utcami prezu caccunaca llucchishca canga. Mana huañungacaman prezu causangacunachu. Paicunamanca micunapish mana illangachu.

JOB 4:6

¿Manachu canca Diosta manchashpa, causac carcangui? ¿Manachu canca imatapish cashcata ruhuashpa, causac carcangui?

PROVERBIOS 2:5

Mandac Diosta manchanatami entendingui. Paipac alli yachachishcatami ricsingui.

PROVERBIOS 14:24

Yachaisapa runacunapac corona shinaca alli yachaimi. Ashtahuanpish yuyai illaccunapac coronaca pandarinami can.

ISAÍAS 32:17

Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

ISAÍAS 32:18

Ñuca acllashcacunaca cushilla llactapimi causanga. Ima llaquipish illac huasipimi cushilla samaringa.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

HABACUC 2:14

Mama cucha yacuhuan junda cac shinami, cai pachapi causaccunaca Mandac Diospac poderta ricsina yuyaihuan canga.