ISAÍAS 33:23 - Dios Rimashcata Quillcashcami

²³ Barcota purichic telata huatashca huascacunapish pitirircami. Chai telata jahuaman sinchita huatanataca mana pudinchu. Shina cacpimi, ima quichumushcatapish japishun. Suchu runacunacamanmi quichushpa chaupinacunga.

ISAÍAS 33:23 Referans Kwoze

2 REYES 7:8

Lepra ungüihuan cac runacuna carpa huasicuna shayachishca pambaman chayashpaca, shuc carpaman yaicushpami micushpa, ubiashpa carcacuna. Shinallatac cullquitapish, curitapish, churanacunatapish japishpami pacangapac rircacuna. Chaimanta cutin cutishpaca, shuc carpaman yaicushpami chai carpamantapish apashpa pacarcacuna.

1 CORINTIOS 1:27

Yachaccunata pingaichingapacmi, imata mana yachac nishcacunata Diosca acllashca. Shinallatac valishca gentecunata pingaichingapacmi, imapacpish mana valichishcata acllashca.

SALMOS 68:12

«¡Jatun mandaccunami paicunapac soldadocunandi callpacun!» nircacuna. Cutin huasipica huarmicunami macanacuipi quichushcata chaupinacurca.

HECHOS 27:19

Ña quimsa punzhata chashnallatac cacpimi, barcopi ima tiyashcacunatapish paicunallatac yacupi shitarca.

ISAÍAS 33:21

Chaipimi Mandac Diosca ñucanchicta sinchiyachinga. Chaipica tendirishpa, callpacuc yacu shinami canga. Chaitaca uchilla barcocunapish, jatun barcocunapish mana puringachu.

ISAÍAS 33:4

Oruga curucuna micuc shinami, paicuna imalla charishcacunataca tandanga. Langosta curucuna shinami, chai charishcacunata quichunga.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

2 CRÓNICAS 20:25

Josafatca paipac soldadocunahuanmi huañushcacuna ima charishcata japingapac shamurca. Shina shamushpaca, achca churanacunata, imapish ashtahuan valishca sumaccunatami japirca. Macanacuipi quichushca achca cacpi, mana apai pudishpami, quimsa punzhacaman tandachicurca.

2 REYES 7:16

Chashna huillacpimi, chai pueblopi causac gentecunaca siriocunapac carpacunapi ima tiyashcacunata japingapac rircacuna. Chashnami Mandac Dios huillashca shinallatac shuc seah alli harinataca shuc siclos cullquillapi, ishcai seah cebadataca shuc siclos cullquillapi randina tiyarca.

1 SAMUEL 30:10

Davidca chuscu patsac runacunahuanmi catishpa rirca. Ashtahuanpish ishcai patsac runacunaca yallita shaicushca cashcamantami Besor huaicu yacutaca mana pasai pudishpa saquirirca.

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

EZEQUIEL 38:13

Sabá, Dedán llactacunapi causaccunapish, Tarsis llactamanta randishpa catushpa causaccunapish, tucui mandaccunapish cantaca: ‘¿Ima charishcacunata quichungapacchu shamurcangui? ¿Cullquitapish, curitapish, animalcunatapish, tucuita apangapacchu, cai tucui gentecunahuan shamurcangui?’ ningami” ningui.

SALMOS 68:13

Ashtahuanpish cancunaca ovejacunapac chaupipimi sueñurcanguichic. Palomapac alasta cullquihuan cahuishca shina, plumacunapish curihuan cahuishca shinami tucunguichic.