ISAÍAS 33:12 - Dios Rimashcata Quillcashcami

¹² Gentecunaca rupashca uchupa shinami canga. Pitishca cashacuna shinami, rupashpa chingaringa.

ISAÍAS 33:12 Referans Kwoze

ISAÍAS 27:4

Chai chagrataca mana piñashachu. Casha yuracuna, cardos yuracuna tiyacpica, tucuita anchuchishpa, sarushpa, tucui rupachisha.

AMÓS 2:1

Mandac Diosca: «Moab llactapi causaccunataca, catipi quimsa cutin, chuscu cutin juchallishcamanta llaquichinataca manatac saquishachu. Paicunaca Edom llactata jatun mandacpac tullucunataca uchupa tucungacamanmi rupachirca.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 10:17

Israelcunapac luzca ninami tucunga. Jucha illac Diosca rupacuc ninami tucunga. Chashnami shuc punzhallapi cardoscunata, cashacunata rupachic shina tucuchinga.

ISAÍAS 9:18

Paicuna yallita mana allita ruhuashcaca cardos yuracuna, cashacuna ninapi rupacuc shinami. Sachacunapi nina tiyarishpa, cushni yanayashpa, huaira huichaiman apacuc shinami.

SALMOS 118:12

Abejacuna shinami ñucata muyurcacuna. Casha rupacuc shinami yallita piñarcacuna. Shina cacpipish Mandac Diospac shutipimi ñucaca tucuchircani.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.