ISAÍAS 32:7 - Dios Rimashcata Quillcashcami

⁷ Llulla runaca ima shina pandachinallatami yuyarishpa purin. Llaquilla caccunata llullashpa pandachingapacmi pacalla yuyarishpa purin. Huacchacuna mandaccunapac ñaupapi cashcata ruhuachun mañacpipish llullashpami atin.

ISAÍAS 32:7 Referans Kwoze

ISAÍAS 5:23

Paicunaca cullquita pacalla japishpami, mana allita ruhuaccunataca cashcata ruhuacmi nincuna. Chashna ruhuashpami, cashcata ruhuac runa japinataca quichun.

SAN MATEO 26:4

Jesusta umashpa pacalla japishpa huañuchinata yuyarinacurca.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

SALMOS 119:95

Canta mana manchaccuna ñucata tucuchingapac chaparacucpipish, can ima shina causanata yachachishcatami yuyarisha.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 26:10

Mana allita ruhuac runaca paita llaquicpipish, cashcata ruhuanataca mana yachacungachu. Allita ruhuaccunapac llactapi causashpapish mana allitami ruhuan. Can Mandac Dios jatun cashcataca mana yuyarinchu.

ISAÍAS 29:21

shuccunata juchallichiccunapish, llacta pungupi cancunata rimaccunata urmachingapac tucllata churaccunapish, cashcata ruhuac runata yanga juchanchishpa, llaquichiccunapish tucuringami.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

ISAÍAS 59:15

Cashcata rimanaca tucurishcami. Millaita ruhuanata saquishca runacunamantaca tucui pai charishcatami shuhuancuna. Mandac Diosca allita ruhuanata saquishcata ricushpami yallita piñarirca.

DANIEL 12:10

Achcacunami tucui mapata anchuchishpa, yuranlla chuya canga. Cutin Diosta mana manchaccunaca chashnallatacmi Diosta mana manchashpa catingacuna. Paicunapuramanta shucllapish imata mana entendingachu. Ashtahuanpish alli yachaccunaca entendingami.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.