ISAÍAS 32:17 - Dios Rimashcata Quillcashcami

¹⁷ Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

ISAÍAS 32:17 Referans Kwoze

ISAÍAS 26:3

Mandac Dioslla, canta mana cungarishpa can yuyailla causaccunata cuidangui. Cushi causaita cunguiyari. Paicunata canpi shunguta churashpami causan.

SALMOS 119:165

Can mandashcacunata cuyaccunaca yallita cushillami causancuna.

SALMOS 85:8

Mandac Dios rimashcata uyashami. Pai acllashcacunamanca cushi causaitami huillanga. Paipacllacuna imapish mana allita ama ruhuachun, ima mapapipish ama urmachunmi rimanga.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

1 JUAN 4:17

Apunchic Jesús cai pachapi cashca shinallatacmi, ñucanchicpish cai pachapica canchic. Chaimantami Dios cuyashca shina cuyanacushpaca, Dios taripai punzhapica mana manchashpa ricurishun.

EZEQUIEL 39:29

Ñucaca jaicapi paicunataca mana saquishachu. Ashtahuanpish paicunapica ñuca Espiritutami churasha nini” ninmi ningui» nirca.

ISAÍAS 57:19

Carupi causaccunatapish, cuchullapi causaccunatapish rimashpaca: “¡Cushi causai tiyachun, cushi causai tiyachun, paicunataca alliyachisha!” Chaitaca Mandac Dios ñucami nini» ninmi.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

HEBREOS 6:11

Dios tucui pactachingacaman, chashna allita catichunmi munanchic.

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 11:13

Chaipica Efraín ailluca ña mana envidiangachu. Efraín ailluca Judá aillutaca mana ashtahuan envidiangachu. Judá ailluca Efraín aillutaca mana ashtahuan llaquichingachu.

PROVERBIOS 14:26

Mandac Diosta manchaccunaca paipi shunguta churashpami causancuna. Chashna manchacpimi churicunapish pai cuidashca causangacuna.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

HEBREOS 12:11

Ari, ima llaquipish chai ratoca mana cushichinchu, ashtahuanpish nanachinmi. Shina cashpapish, quipatami cashcata ruhuanata, sumacta causanata yachachin.

SALMOS 85:10

Cuyaihuan, cashcata ninahuanmi tupanacurca. Cashcata ruhuanahuan, cushi causaihuan muchanacurca.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

ISAÍAS 28:12

Paicunatami Diosca: «Caimi samarinaca. Shaicushca runata samachichic. Caica samarina pushtumi» nirca. Ashtahuanpish paicunaca mana uyashun nircachu.

ESTER 9:30

Mardoqueoca jatun mandac Asuero mandacuc patsac ishcai chunga canchis llactacunapi causac Judá gentecunamanmi cushi causai tiyana shimicunahuan, cashcata nic rimaicunahuan sumacta quillcashpa cacharca.

PROVERBIOS 1:33

Ashtahuanpish ñucata uyashpaca, llaquicunata mana manchashpa, imatapish mana manchashpami, cushilla causanga” nishpami huillacun.

ISAÍAS 33:6

Paica allitami mandanga. Cushi causaimi tiyanga. Shinallatac alli yuyaipish, quishpirinapish yallimi tiyanga. Mandac Diosta manchanami yalli valishcacunatapish yalli valin.