ISAÍAS 30:30 - Dios Rimashcata Quillcashcami

³⁰ Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

ISAÍAS 30:30 Referans Kwoze

ISAÍAS 29:6

Tucuita Mandac Diosca tulun nishpa, allpata chucchuchishpa, sinchita tulun nichishpa, yalli rundu tamya huairahuan, tucuchic ninahuan llaquichingapacmi shamunga.

JOSUÉ 10:11

Israelcunamanta miticushpa, Bet-horón pueblomanta urai rina ñanman callpacucpipish, Mandac Diosca jahua pachamanta rundu shina rumicunata Azeca pueblocamanmi paicunapac jahuapi urmachirca. Shina urmachicpimi, chai runacunaca tucui huañurca. Israelcuna espadahuan huañuchishcatapish yallimi chai rundu rumicuna urmashpa huañuchirca.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

ISAÍAS 28:2

Riquichic, Mandac Diosca manchana rundu shina, jatun acapana huaira shina, pi mana jarcaipac yacu shina, imatapish tucuchiclla, jatun poderyuc runatami cachan. Paimi cai llactataca pambaman urmachinga.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

SAN MATEO 24:7

Llactacunapurapish, jatun mandaccunapurapishmi macanacunga. Maijan llactapica allpa chucchuipish, yarcaipish tiyangami.

MIQUEAS 1:4

Pai sarucpica, urcucunapish, pambacunapish ninapi cera yacuyac shinami yacuyashpa ucuyanga. Jahuamanta yacu talliricuc shinami talliringa.

ISAÍAS 32:19

Sachacunapi rundu urmashpa tucuchicpipish, chai llactapi causaccunata yallita pingaichicpipish,

APOCALIPSIS 1:15

Paipac chaquicunapish bronceta ninapi rupachishpa llambushca shinami jagan nicurca. Paipac rimashcaca yacucuna huactarishpa huaj nicuc shinami carca.

SAN LUCAS 1:51

Paipac maquihuanmi mancharinacunata ruhuashca. Jatun tucushcacunapac yuyaitapish chingachishcami.

EZEQUIEL 10:5

Shinallatac querubincunapac alascuna patac nishcapish Mandac Dios rimashca shinami, paipac huasi ucupi tiyac canzha pambacaman uyarirca.

ISAÍAS 62:8

Mandac Dios jatun poderyuc paipac alli maquita alzashpa ari nishpaca: «Cancunata piñaccuna cancunapac trigota micuchunpish, mana ricsishca runacuna cancuna trabajashca uvas vinota ubiachunpish mana saquishachu.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

SALMOS 46:6

Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

SALMOS 2:5

Chai quipaca nina japiric shina piñarishpa manchachishpaca:

JOB 40:9

¿Canca, ñuca shinachu sinchi rigrayuc cangui? ¿Can rimashcaca ñuca rimashca shinachu culun nishpa uyarin?

1 SAMUEL 7:10

Mandac Diosman cushca ovejata Samuel tucui rupachicucpimi, filisteocunaca israelcunahuan macanacungapac chayarca. Ashtahuanpish Mandac Diosca sinchita tulun nichishpami filisteocunataca manchachishpa muspachirca. Chashna ruhuacpimi, israelcunaca filisteocunata atirca.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ÉXODO 9:23

Moisés varata huichaiman alzacpica, Mandac Diosca relampa ninahuan jaguin nichishpa, rayocunata urmachishpami runduta tamyachirca.

JOB 38:22

¿Canca maipi rasu tiyac ucumanpish, rundu tiyac ucumanpish yaicushcanguichu?

ISAÍAS 10:5

Mandac Diosca: «¡Asiria llactata jatun mandaclla, ñuca yallita piñarishpa macana varami cangui! Ñuca yallita piñarishpa macana caspica cambac maquipimi.

ISAÍAS 30:29

Shina cacpipish, cancunaca Pascua tutapi fiestata ruhuashpa, cantac shinami, cushilla canguichic. Israelcunata sinchiyachic Mandac Diospac urcuman rishpami, flautapi tocac shina, cushilla shungu canguichic.

ISAÍAS 30:31

Mandac Dios rimashcata uyashpa, llaquihuan cashpami, Asiria llacta runacunaca yallita mancharinga.

ISAÍAS 33:14

Sión llactapimi juchasapacunaca chucchuncuna. Chashna chucchushpaca: «Ñucanchicpuramantaca, ¿pitac tucuchic ninapi causai pudingayari? Ñucanchicpuramantaca, ¿pitac huiñai huiñaita rupacuc ninapica causai pudingayari?» ninacun.

ISAÍAS 66:16

Mandac Diosca tucui gentecunatami ninahuan, espadahuan llaquichishpa taripanga. Mandac Dios huañuchishcacunaca achcami canga.

JEREMÍAS 25:32

Tucuita Mandac Diosca: «Llaquica llacta llactami ringa. Cai pacha tucurimantami acapana huaira jataringa» ninmi.

EZEQUIEL 13:13

Chaimantami Mandac Dios ñucaca: “Yallita piñarishpami, chai pircataca acapana huairahuan urmachisha. Chashna piñarishpami manchana tamyatapish, rumi shina rundutapish cachasha.

JOEL 2:5

Paicunaca carretacuna ric shinami, urcucuna jahuata volanga. Paicunaca chaquishca pangacunata nina tucui rupachicuc shinami uyaringa. Jatun Macanacuiman ringapac allichirishca sinchi runacuna shinami canga.

AMÓS 1:14

Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

ÉXODO 9:24

Chashnami Egipto llacta callarishca punzhamanta pacha, jaicapi mana tiyashca, rundumi rayohuan tamyarca.

JOSUÉ 10:10

Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

JOB 38:23

Chaicunataca llaqui punzhacunapac, jatun macanacui punzhacunapac, jatun huañunacui punzhapacmi huacaichishpa charicuni.

ISAÍAS 4:6

Paimi punzha inti rupachinamantaca llandunga. Jatun tamya huairamantapish ucllac shinami pacanga.

ISAÍAS 10:16

Chaimantami tucuita Mandac Diosca sinchi soldadocunaman ungüita cachanga. Paicuna sumaimana cacpipish paicunapac chaupipi ninata japichicpimi, ninaca ucllaric shina tucuchinga.

ISAÍAS 10:26

Tucuita Mandac Diosca Oreb jatun quingrai ladopi, Madián llactapi huañuchishca shinami, paicunataca huañuchinga. Varata alzashpa, Egipto runacunata yacupi ucuyachishca shinami, paicunatapish tucuchinga.

ISAÍAS 31:4

Mandac Diosca: «Shuc león ovejata japishpa micushpaca, tucui michiccuna tandanacushpa manchachingapac shamucpipish, mana manchanchu. Chashnami tucuita Mandac Dios ñucapish, ñucapac Sión urcupi macanacungapac urai shamusha.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 66:15

Mandac Diosca yallita piñarishpa, ninahuan jarcashpa yallita llaquichingapacmi rupacuc nina chaupipi, jatun acapana huaira shina, callpac carretacunahuan shamunga.