ISAÍAS 3:5 - Dios Rimashcata Quillcashcami

⁵ Gentecunaca cuchullapi causaccunapurallatacmi caishuc chaishuc macanacunga. Huambracuna jatarishpami yuyaccunataca llaquichinga. Yanga runacunami jatarishpa alli nishca runacunata llaquichinga.

ISAÍAS 3:5 Referans Kwoze

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?

SAN LUCAS 22:64

Ñahuita pañohuan huatashpa, huactashpaca: —¿Maijantac huactanchic? ¡Huillai!— nircami.

MARCOS 14:65

Chaimantami maijanca Jesusta tucai callarirca. Cutin maijanca ñahuita pañohuan huatashpa, huactashpaca: «¡Maijantac huactanchic, huillai!» nircami. Diosta mañana huasita cuidaccunapish Jesusta ñahuipi huactarcami.

SAN MATEO 26:67

Chaimantami maijancunaca ñahuipi tucashpa macarca. Cutin maijancunaca huactashpami:

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

EZEQUIEL 22:12

Maijanca huañuchingapacmi cullquita japin. Cullquita mañachishpapish yalli interestami japin. Shuccunata llaquichinguimi. Ñucataca cungarircami. Chaitaca Mandac Dios ñucami nini.

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

ISAÍAS 11:13

Chaipica Efraín ailluca ña mana envidiangachu. Efraín ailluca Judá aillutaca mana ashtahuan envidiangachu. Judá ailluca Efraín aillutaca mana ashtahuan llaquichingachu.

ISAÍAS 1:4

¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

2 REYES 2:23

Chai quipaca Eliseoca Bet-el pueblomanmi rirca. Pai ñanta huichai ricucpimi, chai pueblopi causac maijan huambracuna llucshishpaca: «¡Lluchu uma runami llucshicun! ¡Lluchu uma runami llucshicun!» nishpa burlarcacuna.

LEVÍTICO 19:32

Yurac uma taitapac ñaupapi paita alli nishpa shayaringuichic. Ñucami Mandac Dios cani.

ISAÍAS 9:18

Paicuna yallita mana allita ruhuashcaca cardos yuracuna, cashacuna ninapi rupacuc shinami. Sachacunapi nina tiyarishpa, cushni yanayashpa, huaira huichaiman apacuc shinami.

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

ZACARÍAS 11:6

Ñucapish cai llactapi causaccunataca mana ashtahuan llaquishachu. Ñucallatacmi shuctac gentecunapac maquipi, jatun mandacpac maquipi churasha. Paicunata tucuchishpa, llactata chushaclla saquicucpipish, paicunapac maquimantaca mana cacharichishachu» nirca.