ISAÍAS 3:24 - Dios Rimashcata Quillcashcami

²⁴ Mishquilla ashnanapac randica, millanayaitami ashnacunga. Chumbipac randica, huascahuanmi huatallishca canga. Acchata sumacta allichinapac randica, accha illacmi canga. Sumacta churanapac randica, sharpa churanahuanmi canga. Sumac ñahui canapac randica, rupashca pingaipac ñahuimi canga.

ISAÍAS 3:24 Referans Kwoze

EZEQUIEL 27:31

Canmantami acchata pitirishpa, sharpa churanata churaringa. Canmantaca shungupi llaquirishpami, yallita huacanga.

LAMENTACIONES 2:10

Sionpi causaccunata pushac yuyaccunaca pambapi tiyarishpami upalla saquirirca. Llaquirishpa umapi uchupata churashpami, sharpa churanata churarirca. Jerusalenpi causac solteracunapish allpacamanmi cumurirca.

MIQUEAS 1:16

Judá llactalla, cancunapac cuyashca huahuacunamantaca llaquirishpa, acchata ruturichicyari. Cancunahuan causaccunata shuctac llactaman prezu apashcamantaca jatun anga shina, lluchu uma tucuichicyari.

ISAÍAS 22:12

Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

ISAÍAS 15:3

Sharpa churanahuanmi purin. Tucui gentecunami huasi jahuapi tiyac pambacunapi, plazacunapi yallita llaquirishpa huacan.

1 PEDRO 3:3

Huarmicuna ama allichirishpa ñaccharishpa, curimanta ruhuashcacunata churarishpa, valishca churanacunata churarishpa, jahualla allichirichicchu.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

ESTER 2:12

Chai tucui huarmicunatami mandashcapi nishca shinallatac shuc huatacaman sumacta allichina carca. Sucta quillataca mirrahuan, aceitehuan, caishuc sucta quillataca mishquilla ashnacuc jambicunahuan, huarmicuna churarina mishquilla ashnacuc-huanmi allichina carca. Ña huata tucucpica, jatun mandac Asueropac ñaupamanmi cada shuc solteracuna ric carca.

LEVÍTICO 26:16

ñucapish cancunataca jatun manchaita, rupachic ungüita, cuerpota irquiyachic ungüita cachashpami cancunata llaquichisha. Cancunaca yangami allpapi tarpunguichic. Chai pucushca granotaca cancunata piñaccunami micunga.

APOCALIPSIS 18:9

Paihuan huainayashpa, munashcata ruhuashpa cushicuc cai pachapi tiyac jatun mandaccunaca, chai pueblo rupashpa cushni llucshicucta ricushpami chai pueblomanta llaquirishpa yallita huacangacuna.

APOCALIPSIS 16:9

Chaipica, tucui gentecunami ruparca. Shina cacpipish, Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca camishpami rimarcacuna.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

JOEL 1:8

¡Shuc soltera paipac cusa tucuna huañushcamanta sharpa churanata churarishca shina huacaichicyari!

EZEQUIEL 7:18

Sharpa churanahuanmi llaquihuanpish, yalli manchaihuanpish tiyacunga. Tucuimi pingaihuan cangacuna, uma acchatapish pitiringami.

JEREMÍAS 48:37

Tucuimi acchatapish, barbastapish pitishpa, maquicunatapish chugririshpa, sharpa churanata churashca purincuna.

JEREMÍAS 6:26

Chaimantami ñucaca: «Ñuca llactapi causaccunalla, sharpa churanata churarishpa, uchupapi singüichicyari. Shuclla huahua huañushcamanta llaquiric shina, yana churanata churarishpa, caparishpa huacaichicyari. Ñucanchicta tucuchicca ñallami shamunga» nircani.

JEREMÍAS 4:8

Chaimanta sharpa churanata churarishpa, yallita llaquirishpa, caparishpa huacaichicyari. Mandac Dios ñucaca cancunahuan piñarishcami cani» ninmi.

ISAÍAS 57:9

Jatun mandacpacmanmi jambicunahuan, mishquilla ashnacuc-huan cahuirishpa rircangui. Huillaccunata caru llactaman cachashpami, Seolcaman cachac shina pingaichircangui.

PROVERBIOS 31:24

Baitacunata ahuashpami catun. Catushpa, randishpa puriccunamanmi chumbicunatapish achcata catun.

PROVERBIOS 7:17

Mishquilla ashnacuc mirrahuan, aloehuan shinallatac canelahuanmi mishquillata ruhuarcani

JOB 16:15

Sharpa churanataca llutac shinami ñuca cuerpopi churarircani. Ñuca umataca ñuto allpapimi pambarcani.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.

DEUTERONOMIO 28:22

Mandac Diosca tuberculosis, fiebre, pungui, rupachic ungüicunahuanmi llaquichinga. Chagracunatapish intihuan yallita rupachishpa, huairahuan yallita chaquichishpami cancuna tucuringacaman llaquichicunga.

JEREMÍAS 49:3

Hai llactaca ñami tucurishca. Chaimanta Hesbón runacunalla, caparishpa huacaichicyari. Rabá runacunalla, caparishpa huacaichicyari. Sharpa churanata churarishpa, llaquilla tucushpa, pirca huashata muyuichicyari. Cancunapac Milcom diostaca curacunandi, mandaccunandimi ña prezu apashca.

ISAÍAS 4:4

Mandac Dios llaquichishpa, tucuchic Espirituhuan Sión llactapi causac huarmicunapac tucui mapacunata, Jerusalenpi causaccuna huañuchishca yahuarta maillacpimi, chashnaca canga.

ISAÍAS 3:23

espejocunatapish, sumac lino churanacunatapish, ñutunlla churarinacunatapish, umata huatana pañocunatapishmi anchuchinga.

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.