ISAÍAS 3:23 - Dios Rimashcata Quillcashcami

²³ espejocunatapish, sumac lino churanacunatapish, ñutunlla churarinacunatapish, umata huatana pañocunatapishmi anchuchinga.

ISAÍAS 3:23 Referans Kwoze

APOCALIPSIS 19:14

Jahua pacha soldadocunaca, chuyanlla yalli valishca yuranlla lino churanata churashcami yurac caballopi tiyarishpa paitaca catircacuna.

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

SAN LUCAS 16:19

Shuc chayuc runami tiyarca. Paica punzhantami achca valic churanata churarishpa, alli micunallata micushpa cushicuc carca.

EZEQUIEL 16:10

Sumac churanata churachishpami, chaquipipish tejón caramanta ruhuashca ushutata churachircani. Linomanta, sedamanta ruhuashca churanatami churachircani.

CANTARES 5:7

Pueblota cuidaccunami ñucahuan tuparca. Paicunami ñucata macashpa chugrichirca. Pircata cuidaccunami jahua churanatapish quichurca.

1 CRÓNICAS 15:27

Davidca linomanta ruhuashca ashtahuan alli churanata churashcami carca. Diospac Arcata apac levitacunapish, cantac levitacunapish, cantaccunata pushac Quenaniaspish chashna churanallahuantacmi carca. Davidca linomanta ruhuashca efodtapish churashcami carca.

RUT 3:15

Shinallatac Boozca: —Jahualla can churana pañota ricuchishpa alli charingui— nirca. Chai pañota Rut ricuchicpica, sucta taza cebadatami churarca. Chaita apashpami pai causana puebloman cutirca.

ÉXODO 38:8

Shinallatac pailatapish, chaita tiyachinatapish broncemantami ruhuarca. Chaicunataca Mandac Dios-huan tupana huasi pungupi cac servic huarmicunapac espejocunamantami ruhuarca.

GÉNESIS 41:42

Chai quipami, Faraonca paipac maquimanta sortejasta llucchishpa, Josepac maqui dedopi churachirca. Shinallatac sumac lino churanata churachishpami, cungapica sumac curi cadenata churachirca.

GÉNESIS 24:65

Shina uricushpa chai servictaca: —¿Pitac chai pambata ñucanchicpacman shamucun?— nirca. Shina nicpimi, chai servicca: —Paimi ñuca amoca— nirca. Shina nicpimi, Rebecaca ñahuita pacana pañohuan ñahuita pacarca.

ISAÍAS 3:22

sumac churanacunatapish, jahualla churanacunatapish, ñahuita taparina pañocunatapish, aisana mochilacunatapish,

ISAÍAS 3:24

Mishquilla ashnanapac randica, millanayaitami ashnacunga. Chumbipac randica, huascahuanmi huatallishca canga. Acchata sumacta allichinapac randica, accha illacmi canga. Sumacta churanapac randica, sharpa churanahuanmi canga. Sumac ñahui canapac randica, rupashca pingaipac ñahuimi canga.

ISAÍAS 47:2

Cutana rumita japishpa, harinata cutaiyari. Umata tapashca pañotapish anchuchiyari. Churanata llucchishpa, lluchu changa tucushpa, jatun yacuta pasaiyari.

ZACARÍAS 3:5

Chai quipaca: «Josuepac umapi chuya mitrata churachichic» nirca. Shina nicpimi, paicunaca chuya mitrata umapi churachishpa, sumac churanatapish churachirca. Mandac Diospac angelca shayacurcallatacmi.