ISAÍAS 3:1 - Dios Rimashcata Quillcashcami

¹ Mandac Diosca Jerusalenmanta, Judá llactamantaca micunatapish, yacutapish anchuchingami.

ISAÍAS 3:1 Referans Kwoze

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

EZEQUIEL 14:13

«Huañunalla runa, cai llactapi causaccuna ñucata saquishpa, juchata ruhuacpica, ñucallatacmi ñuca maquita alzashpa llaquichisha. Micunata mana cushpami, yarcaihuan tucuchisha. Chashnami yalli yarcaihuan gentecunatapish, animalcunatapish tucuchisha.

ISAÍAS 1:24

Chaimantami israelcunata sinchiyachic Mandac Diosca: «¡Ña chailla! ¡Cunanca ñucata piñaccunata llaquichishpatacmi cushicusha! Ñucata mana ricunayachiccunataca paicuna mana allita ruhuashca shinallatacmi llaquichisha.

JEREMÍAS 38:9

—Jatun mandaclla, chai runacuna Dios ima nishcata huillac Jeremiasta yacu jundachina jutcupi shitashpaca, mana allitami ruhuashca. Chai jutcupica yarcaihuan huañungami. Cai llactapica tandallapish mana tiyanchu— nirca.

JEREMÍAS 37:21

Shina nicpimi, jatun mandac Sedequiasca Jeremiasta cárcel canzha pambapi churashpa cuidachun, shinallatac chai llactapi tucui tanda tucuringacaman callepi ruhuashca tandata apamushpa punzhanta carachun mandarca. Shinami Jeremiasca cárcel canzha pambapi tiyacurca.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

ISAÍAS 36:12

Shina nicpimi, chai quipa mandacca: —¿Ñuca amoca cai shimicunataca canllaman, cambac amollamanchu huillachun cacharca? ¿Manachu cai pirca jahuapi cac gentecunamanpish huillachun cacharca? ¿Manachu paicunapish cancuna shinallatac quiquin mapayachishcallatatac micunga, ubianga?— nirca.

ISAÍAS 5:13

Ñuca acllashcacunaca ñucata mana ricsishcamantami prezu apashca carca. Chaipimi paicunapac alli nishca runacunaca yarcaihuan huañurca. Shinallatac achcacunami yacunayaihuan chaquishpa huañurca.

ISAÍAS 2:22

¡Ama runacunapi shunguta churashpa causaichicchu! Paipac causaica huaira shinallami. ¿Runa ima cacpitac, shunguta churanguichic?

SALMOS 105:16

Paicunapac llactamanca yalli yarcaitami cacharca. Tucui micuna granocunatami chingachirca.

ISAÍAS 3:16

Shinallatac Mandac Diosca: «Sionpi causac huarmicunaca jatun tucushpa, caricunahuan ñahuita quimllanacushpa purincuna. Purishpapish chaquita tacashpa, chaqui huallcacunata cuyuchishpami purincuna.

ISAÍAS 9:20

Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

JEREMÍAS 52:3

Chaimantami Mandac Diosca yallita piñarishpa, Judá llactapi causaccunatapish, Jerusalenpi causaccunatapish paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami piñarirca.

JEREMÍAS 52:6

Chai huata chuscu quilla, iscun punzhapimi Jerusalenpica yalli yarcai tiyarca. Chaimantami chai llactapi causaccunaca micuna illac carca.

LAMENTACIONES 5:4

Yacutapish randishpami ubianchic. Yantatapish randishpami charinchic.

AMÓS 4:6

Ñucami tucui cancunapac llactacunamanta micunata anchuchircani. Chaimantami ima micunapish mana tiyarca. Shina cacpipish, mana ñucapacman cutirircanguichicchu.

MIQUEAS 4:9

Cunanca, ¿ima nishpatac yallita caparinguichic? ¿Manachu jatun Mandacta charinguichic? ¿Cancunata cunac runachu huañurca? ¿Shuc huarmita sajuarina nanai japic shinachu, cancunatapish nanai japirca?

2 REYES 25:3

Chai huata callari chuscu quilla iscun punzha tucucpimi, Jerusalenpi causaccunaca imata mana micui pudishpa yallita yarcaihuan carca.