ISAÍAS 29:8 - Dios Rimashcata Quillcashcami

⁸ Yarcanayaihuan sueñushpa, micucushcata muscushpapish riccharishpaca yarcanayaihuan cac runa shina, yacunayaihuan sueñushpa, yacuta ubiacushcata mushcushpapish riccharishpaca yacunayaihuan cunga chaquishca runa shinami tucunga. Chashnami Sión urcupi causaccunahuan macanacungapac tucui llactamanta shamuc soldadocunaca tucunga.

ISAÍAS 29:8 Referans Kwoze

ISAÍAS 44:12

Fierreroca fierrota rupachishpa, tenazata japishpa, paipac fuerzahuanmi sumacta ruhuan. Chai quipaca yarcachishpa, shaicushpa, yacuta mana ubiashpaca, imata mana ruhuai pudinchu.

SALMOS 73:20

Sueñuimanta riccharic shinami Jatun Dios jatarishpa paicuna ima shina cashcata yangapi churanga.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

NAHÚM 1:15

¡Riquichic, sumac causaimanta alli huillaita huillacmi, jahua urcucunata shamucun! ¡Judá llactalla, canca fiestacunata ruhuailla. Can imatapish Diosman cusha nishcataca cuilla. Millaita ruhuaccunaca mana ashtahuan llaquichingachu, chaica ñami tucui chingarirca!

SALMOS 129:5

Sión pueblota mana ricusha niccunaca tucui mashna pingaihuan huashaiman cutishca cachun.

ISAÍAS 41:11

Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.

ISAÍAS 41:12

Cancunata piñashpa rimaccunataca mashcashpapish mana taringuichicchu. Cancunahuan macanacuccunaca mana tiyashca shinami canga.

NAHÚM 2:1

¡Nínive llactalla, tucuchicmi huichai shamun! ¡Torrecunapi chapacta churaiyari! ¡Ñantapish chapaiyari! ¡Sinchita chumbilliyari! ¡Sinchicuiyari!