ISAÍAS 29:1 - Dios Rimashcata Quillcashcami

¹ ¡Aij, Ariel llactalla! ¡David causana Ariel llactalla! Ima fiestacunata huatanta ruhuashpa cushicuichiclla.

ISAÍAS 29:1 Referans Kwoze

2 SAMUEL 5:9

Davidca chai jatun torrehuan jarcachishca pueblopi causashpami Davidpac pueblo nishpa cayarca. Shinallatac Milo pushtumanta callarishpaca pai tiyana huasicaman jatun pircata ruhuachirca.

OSEAS 9:4

Tallina vinotapish Mandac Diosman mana cungachu. Imata cushcatapish mana chasquingachu. Tandapish duelo huasipi micuna tanda shinami canga. Chaita tucui micuccunami mapayanga. Chai tandaca Mandac Diospac huasiman mana yaicungachu. Ashtahuanpish chai tandaca paicuna micungapacllami canga.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

OSEAS 5:6

Ovejacunata, vacacunata apashpami, Mandac Diosta mashcanga. Shina mashcashpapish mana taringachu. Paicunamantaca anchurircanimi.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

HEBREOS 10:1

Moisés mandashcacunaca Dios quipata allita cugricushcata ricuchicllami, ashtahuanpish mana chai shamuc shinachu. Chaimantami Moisés mandashcacunata pactachishpa, huatanta animalta rupachishpaca, Diospac ñaupapi jaicapi mana jucha illac cai pudin.

ISAÍAS 31:9

Paicunaca manchaihuanmi irquiyashca saquiringa. Mandaccunapish yallita mancharishpami, paicunapac banderacunata shitashpa callpanga. Sión urcupica ninata japichishpami shuyacun. Jerusalenpica hornota rupacyachishpami shuyacun. Chaitaca Mandac Diosca ñucami nini.

JEREMÍAS 7:21

Israelcunapac tucuita Mandac Diosca: «Cancunaca ashtahuan animalta cushpa tucui rupachichic. Chai aichata micuichic.

ISAÍAS 5:12

Jatun micuita ruhuashpa, vinota ubiashpa, arpacunapi, salteriocunapi, tamborcunapi, flautacunapi tocashpami, Mandac Dios ruhuashcataca mana ricuncuna, mana yuyarincuna.

ISAÍAS 29:9

¡Cancunaca mancharichicyari! ¡Ñahui mana ricuccuna shina tucuichicyari! ¡Machashca caichicyari, shinapish mana vinohuan! ¡Machashpa caiman chaiman tigracuichicyari, shinapish mana machana yacuhuan!

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

LEVÍTICO 23:4

Mandac Dios ñucata alli nina, ñucapaclla fiestacunaca caicunami. Chaiman tandanacuchunmi huillana canguichic.