ISAÍAS 27:8 - Dios Rimashcata Quillcashcami

⁸ Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

ISAÍAS 27:8 Referans Kwoze

OSEAS 4:1

Israelcunalla, Mandac Dios rimashcata uyaichic. Paica cai llactapi causaccunahuan piñarishcami. Cai llactapica cashcata nicpish, Diosta manchacpish, paimanta yachanata munacpish mana tiyanchu.

EZEQUIEL 19:12

Shina cacpipish, piñarishpami pitishpa pambaman shitarca. Inti llucshina ladomanta huaira shamushpami, granocunataca chaquichirca. Sinchi ramacunaca chaquichircami, shinallatac ninami rupachirca.

JEREMÍAS 10:24

Mandac Dioslla, cashcata ruhuashpa llaquichiyari. Ashtahuanpish mana tucui chingachingapacca, ama yallita piñarishpa llaquichinguichu.

JEREMÍAS 4:11

Chai punzhacunapica Judá llactapi, Jerusalenpi causaccunataca: «Ñuca llactapi causaccunapacmanca shitashca urcumantami chaquishca huaira shamurca. Chai huairaca mana granota chuyayachic huairachu.

1 PEDRO 1:6

Chaimantami cancunaca ashacaman tucuilaya llaquicunata apana cacpipish, mai cushicuna canguichic.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

JEREMÍAS 46:28

Ñucata servic Jacobolla, ñucami canhuan cani. Chaimanta ama manchaichu. Canta ñuca llucchishpa cachacpi, caita chaita rishpa causana llactacunataca tucuchigrinimi. Shina cashpapish cantaca mana tucui tucuchishachu. Ñuca caita, chaita cachacpimi, shuctac llactacunapi causacungui. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami llaquichisha. Canta llaquichinataca manatac saquishachu» ninmi.

JEREMÍAS 30:11

Canta quishpichingapacca canhuanmi casha. Ñucami canta caita chaita cacharcani. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami taripasha. Canta llaquichinataca manatac saquishachu. Chaitaca Mandac Dios ñucami nini» ninmi.

JEREMÍAS 4:27

Mandac Diosca: «Tucui llactata tucuchishpapish, mana tucuita tucuchishachu.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

ISAÍAS 54:7

Asha ratollatami cantaca shitarcani. Shina cashpapish yallita llaquishpami, cutin pushamugrini.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 1:5

¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

SALMOS 103:14

Paica ñucanchic imalaya cashcata ricsishpami, ñucanchicca allpamanta cashcata yachan.

SALMOS 78:38

Shina cacpipish llaquishpami paicuna millaita ruhuashcatapish cungarishpa mana tucuchirca. Tauca cutinmi pai piñarishcatapish ladoman churashpa, ña mana llaquichishpa cungarirca.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

SALMOS 38:1

Mandac Dioslla, ama yallita piñarishpa rimashpa nanachichu. Nina japiric shina piñarishpa ama llaquichichu.

SALMOS 6:1

Mandac Dioslla, ama piñarishpa rimaichuyari. Ama piñarishpa yallita llaquichichuyari.

JOB 23:6

¿Ñucahuanca sinchitachu rimanman? Mana, chaipac randica uyanmanllami.

SALMOS 103:9

Piñarishpapish mana unaicaman piñaringachu. Paica mana huiñaicaman piñashcalla cangachu.

ISAÍAS 64:5

Cushicuihuan cashcata ruhuaccunahuan, canta yuyarishpa causaccunahuan tupangapac llucshircanguimi. Riqui, ñucanchic juchata ruhuashcamantaca piñarircanguimi. Cai tucui huatacunatami juchallata ruhuashpa catircanchic. Chashna cashpaca, ¿quishpirishunchu?

LAMENTACIONES 3:31

Mandac Diosca mana huiñaita cungarinchu.

LAMENTACIONES 3:32

Llaquichishpapish pai yallita llaquic cashca shinallatacmi llaquin.