ISAÍAS 26:9 - Dios Rimashcata Quillcashcami

⁹ Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

ISAÍAS 26:9 Referans Kwoze

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

SALMOS 119:62

Can cashcata ruhuashpa taripashcamantami, canta pagui ningapac chaupi tuta jatarini.

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

MARCOS 1:35

Jesusca tutamanta utca, manarac achicyamucpimi, shitashca pambapi Diosta mañangapac rirca.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

SAN LUCAS 6:12

Chai punzhacunapimi Jesusca Diosta mañangapac urcuman rirca. Chaipica tucui tutami Diosta mañarca.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

PROVERBIOS 8:17

Ñucata cuyaccunataca cuyanimi. Ñucata mashcaccunaca tarinmi.

SALMOS 58:11

Shina cacpimi runaca: «Cashcata ruhuaccunaca allitami japina. Cai pachapi causaccunata taripacca sumac Diosmi» ningacuna.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

SALMOS 130:6

Ñuca almaca pueblota cuidaccuna pacarichun shuyac shinami, Mandac Diosta shuyacun.

SALMOS 64:9

Chashna ruhuacpimi, tucui gentecuna manchashpa Dios ima ruhuashcata huillangacuna. Shina huillacpimi, pai ruhuashcataca entendingacuna.

SALMOS 83:18

Cambac shutica Mandac Dios cashcata yachachun. Jahua pachapi causac Diosca tucui cai pachata mandac cashcata ricsichuncuna.

SALMOS 78:34

Shina huañuchicucpimi, Diosta mashcarcacuna. Shinami tucui munaihuan mana shaicushpa mashcarcacuna.

SALMOS 63:5

Ñuca almaca huira aichata micushca shinami cushicunga. Jatun cushicuihuanmi ñuca shimihuan alabasha.

SALMOS 105:7

Paica ñucanchicta Mandac Diosmi. Paica tucui cai pachapimi mandacun.

SALMOS 119:55

Mandac Dioslla, cambac shutitaca tutacunami yuyarircani. Can mandashcataca cazurcanimi.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

LAMENTACIONES 2:19

Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.

LAMENTACIONES 3:25

Mandac Diosca paita shuyashpa, tucui almahuan mashcaccunapacca allimi.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

1 CRÓNICAS 16:14

Mandac Diosmi, ñucanchic Diosca. Pai llaquichishcacunaca, tucui cai pachapimi ricuricun.