ISAÍAS 26:5 - Dios Rimashcata Quillcashcami

⁵ Paimi jahuapi tiyaccunataca urmachirca. Jatun tucushca llactacunatapish cumurichishpami yangallata ruhuarca. Paicunataca pingaichishpami, ñuto allpapi shitarca.

ISAÍAS 26:5 Referans Kwoze

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

JEREMÍAS 51:37

Babilonia llactaca rumi montonllami saquiringa. Chacal animalcunallami causanga. Shuc runallapish mana tiyangachu. Tucuipac burlashpa asinami tucunga.

JEREMÍAS 51:64

Chaipi shitashpaca: “Chashnami cai Babilonia llactaca ucuyanga. Ñuca cachashca llaquimantaca jaicapi mana quishpiringachu. Tucuimi chingaringa” ninmi ningui» nirca. Jeremías huillashcaca caicamanllami.

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

ISAÍAS 32:19

Sachacunapi rundu urmashpa tucuchicpipish, chai llactapi causaccunata yallita pingaichicpipish,

ISAÍAS 14:13

Cambac shungupica: “Jahua pachaman rishpami, Diospac lucerocunapac ladopi ñuca mandashpa tiyarinataca churasha. Dios-huan tandanacuna urcupimi, jahua ladoman tiyarisha.

ISAÍAS 2:12

Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.

SALMOS 79:8

Ama ñucanchic ñaupa taitacunapac juchacunata yuyarishpa ñucanchicta llaquichichuyari. Ñucanchicca llaquihuanmi canchic, chaimanta llaquishpa utca tupangapac shamuiyari.

ISAÍAS 25:2

Canmi llactacunatapish rumi montonta shina saquircangui. Muyundita pircashca llactacunataca tucuimi urmachircangui. Shuc llacta runacunapac huasicunatapish ñutuchircanguimi. Chaicunataca mana cutin shayachingachu.

LAMENTACIONES 2:2

Mandac Diosca mana llaquishpami Jacobopac carpa huasicunata urmachirca. Yallita piñarishpami Judá llacta sinchi torrecunatapish urmachirca. Jatun mandactapish, shuctac mandaccunatapish, yangallata ruhuashpami pingaichirca.

EZEQUIEL 26:11

Caballocunaca tucui ñancunatami sarushpa puringa. Gentecunataca espadahuanmi huañuchinga. Sinchi rumi pilarcunatapish tigrachingami.

ISAÍAS 24:10

Llactacunapish tucurishpami llaquilla tucushca. Ama pi yaicuchun, pungucunapish huichcashcami.

EZEQUIEL 28:17

Canca sumac cashpami, shungupi jatun tucurcangui. Achiclla shina sumac cashpami, alli yachaitapish yangallata ruhuarcangui. Cantaca jatun mandaccunapac ñaupapi pambaman shitashpami, tucuipac asinata ruhuasha.