ISAÍAS 26:3 - Dios Rimashcata Quillcashcami

³ Mandac Dioslla, canta mana cungarishpa can yuyailla causaccunata cuidangui. Cushi causaita cunguiyari. Paicunata canpi shunguta churashpami causan.

ISAÍAS 26:3 Referans Kwoze

FILIPENSES 4:7

Chashna ruhuacpimi, cancuna Jesucristohuan shuclla cashcamanta, gentecuna mana entendishca Diospac sumac causaica cancunapac shungutapish, yuyaitapish huacaichinga.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

SALMOS 9:10

Mandac Dioslla, canta mashcaccunataca mana saquircanguichu. Cambac shutita ricsiccunaca canpimi shunguta churangacuna.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

MIQUEAS 5:5

¡Paimi ñucanchicmanca cushi causaita cunga! Asiriocuna ñucanchic llactaman shamushpa, mandashpa tiyana huasicunata sarunacucpica, canchis michiccunata, pusac mandaccunatami paicunata llaquichichun cachashun.

2 CRÓNICAS 16:8

Etiopía, Libia llactamanta cac soldadocunaca macanacuna carretacunandi, caballopi ric soldadocunandica achcami carca. Shina cacpipish, Mandac Diosta ayudachun, can mañashcamantami paicunataca cambac maquipi churarca.

2 CRÓNICAS 13:18

Chashnami israelcunaca chai huatapica llaqui tucushpa saquirirca. Ashtahuanpish Judá llacta soldadocunaca paicunapac ñaupa taitacunata Mandac Diosta mañashpami sinchi tucurcacuna.

1 CRÓNICAS 5:20

Chai macanacuipimi Diospi shunguta churashpa Diosta mañarcacuna. Chaimantami Diosca paicunapac maquipi agarenocunatapish, paicunata ayudaccunatapish churarca.

ISAÍAS 48:2

Shina cashpapish: “Jucha illac llactamantami canchic. Israelcunapac Diosta yuyarishpami causanchic. Paipac shutica tucuita Mandac Diosmi” ninguichicmi.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

SALMOS 119:165

Can mandashcacunata cuyaccunaca yallita cushillami causancuna.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

ISAÍAS 26:12

Mandac Dioslla, cushi causaitaca canmi ñucanchicmanca cungui. Tucui imatapish can ayudacpimi ruhuanchic.

ISAÍAS 27:5

Maijanpish ñucahuan alli tucusha niccunallami saquiringa. ¡Ari, ñucahuan alli tucusha niccunaca alli tucuchunlla!» nisha.

ISAÍAS 32:18

Ñuca acllashcacunaca cushilla llactapimi causanga. Ima llaquipish illac huasipimi cushilla samaringa.

ISAÍAS 42:6

«Mandac Dios ñucami cantaca cashcata ruhuachun cayashpa, maquimanta aisashpa cuidasha. Cantaca ñuca acllashcacunahuan ari nishcata ruhuachun, shuc llactapi causaccunapac luz shina cachun,

ISAÍAS 42:19

¿Pi serviccunata yalli ñahui mana ricucca? ¿Pitac ñuca cachashcacunata atishpa ringri mana uyaccunaca? ¿Pitac ñuca acllashcacuna shina, Mandac Dios ñucata serviccuna shina mana ricuccunaca?

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

DANIEL 3:17

Chashna ruhuacpica, ñucanchic servina, ñucanchic Diosmi chai rupacuc hornomantapish, can jatun mandacpac maquimantapish quishpichinga.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

DANIEL 6:23

Shina nicpimi, jatun mandacca yallita cushicushpa, Danielta chai jutcumanta llucchichun mandarca. Shina mandacpimi, Danieltaca chai jutcumanta llucchirca. Danielca Diospimi shunguta churarca. Chaimantami chai leoncuna causana jutcupica ima mana tucurca.

SALMOS 125:1

Mandac Diospi shunguta churaccunaca Sión urcu shinami huiñaita maita mana cuyuchipac causancuna.

ISAÍAS 32:17

Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

JEREMÍAS 39:18

Cantaca mana espadahuan huañuchingachu. Ashtahuanpish ñucallatacmi cantaca paicunamanta quichuc shina quishpichisha. Ñucata yuyashpa causacushcamantami cantaca quishpichisha. Chaitaca Mandac Dios ñucami nini” ninmi ningui» nirca.