ISAÍAS 26:14 - Dios Rimashcata Quillcashcami

¹⁴ Paicunaca huañushcami, ña mana causaringachu. Mana jataringachu. Paicunataca yallita llaquichishpami tucuchircangui. Paicunataca pi mana yuyaringachu.

ISAÍAS 26:14 Referans Kwoze

PROVERBIOS 10:7

Cashcata ruhuac runapac shutica yuyarishcami canga, ashtahuanpish Diosta mana manchaccunapac shutica ismuc shinami chingaringa.

ISAÍAS 8:19

Maijanca cancunataca: “Huañushcacunata mañaccunaman, upayachiccunaman, adivinocunaman tapuichicyari” ningami. Chashna nicpica: “Cai runacunaca, ¿manachu paicunapac diosman tapuna can? ¿Causaccunamantaca huañushcacunaman tapungachu?” ninguichic.

SALMOS 106:28

Paicunaca Baal-peor yanga diosta caticcunahuan tandanacushpami, huañushcacunaman rupachishpa cushca animal aichata micurcacuna.

APOCALIPSIS 20:5

Paicunami punta causariccunaca carca. Shina cacpipish chaishuc huañushcacunaca chai huaranga huatacuna pactangacamanca mana causarircacunachu.

SAN MATEO 2:20

«Jatarishpa, huahuata apashpa, mama Mariandi Israel llactaman cuti. Huahuata huañuchishun niccunaca ñami huañushca» nirca.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

SALMOS 109:13

Paipac huahua huahuacunapish tucui tucuchishca cachun.

SALMOS 9:6

Ñucata piñaccunaca huiñaitami chingarishca. Pueblocunatapish tucuitami urmachircangui. Chai pueblocunapica yuyaringapacllapish imata mana saquircanguichu.

DEUTERONOMIO 4:28

Chai llactacunapimi gentecuna caspimanta, rumimanta ruhuashca, mana ricuc, mana uyac, mana mutquic, mana micuc yanga dioscunata servinguichic.

ÉXODO 14:30

Chashnami Mandac Diosca chai punzhapica israelcunata Egipto runacunapac maquimanta quishpichirca. Egipto runacuna yacu patapi huañushca siricuctami israelcunaca ricurca.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

SALMOS 36:12

¡Chaipimi chai millai runacunaca urmashpa jaicapi mana jataringacuna!

SALMOS 59:5

Tucuita Mandac Dioslla, israelcunapac Diosmi cangui. Jatarishpa tucui llactacunata llaquichiyari. Canta cariyashpa millaita ruhuaccunataca maijanllatapish ama llaquichu.

SALMOS 135:17

Ringrita charishpapish mana uyanchu. Paicunapac shimihuanca samaillatapish mana aisanchu.

ECLESIASTÉS 9:5

Causaccunaca huañuna cashcataca yachanmi. Ashtahuanpish huañushcacunaca imata mana yachanchu. Imata japinatapish mana charinchu. Paicunataca pipish mana yuyarinchu.

ISAÍAS 29:6

Tucuita Mandac Diosca tulun nishpa, allpata chucchuchishpa, sinchita tulun nichishpa, yalli rundu tamya huairahuan, tucuchic ninahuan llaquichingapacmi shamunga.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

JOB 7:9

Puyu ashancaman chingaric shinami maijanpish Seolman rishpaca, cutinca mana llucshinga.

JOB 18:17

Paica cai pachapica chingarishcami canga. Paipac shutipish cai llactapica cungarishcami canga.

JOB 24:20

Paicunataca mamapish cungaringami. Curucunami paitaca mishquilliringa. Jaicapi mana yuyaringacunachu. Pitishca yura shinami mana cazuccunaca tucuringa.