ISAÍAS 26:13 - Dios Rimashcata Quillcashcami

¹³ Mandac Dioslla, shuctac mandaccunami ñucanchicta llaquichishpa mandacun. Shina cacpipish, cambac shutillatami alli ninchic.

ISAÍAS 26:13 Referans Kwoze

ROMANOS 6:22

Cunan juchamanta Dios cacharichicpica, paita serviccunami canguichic. Chaimantaca Diospaclla chicanyarishpa, huiñai causaitami japircanguichic.

ISAÍAS 63:7

Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.

ISAÍAS 2:8

Shinallatac paicunapac llactapica yanga dioscunapish jundami. Paicunapac maquihuan ruhuashca dioscunatami adorancuna.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

AMÓS 6:10

Chai huañushcataca shuc aillullami tucuita tandachinga. Shinami huasimanta tullucunata llucchishpa rupachinga. Chai huasi ucupi cac runataca: «¿Manachu maijanpish canhuan saquirirca?» ningami. Shina nicpimi, chai runaca: «¡Mana pipish saquirircachu!» ningami. Shina nicpica: «Upalla cai, Mandac Diospac shutitaca mana rimanachu» ningami.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

ISAÍAS 12:4

Chai punzhapica cancunaca: «¡Mandac Diostaca pagui nichicyari! ¡Paipac shutita caparishpa, pagui nishpa cantaichicyari! Pai ruhuashcataca tucui llactapi causaccunaman huillaichicyari. Paipac shuti jatun cashcata yuyarichicyari.

ISAÍAS 10:11

¿Manachu Jerusalentapish Samaria llactata ruhuashca shina ruhuashcalla dioscunandi tucuchisha?” ninga» nirca.

2 CRÓNICAS 12:8

Shina cashpapish, cunanca paita serviccunami tucunguichic. Ñucata servishpa causanapish, llactacunata jatun mandaccunata servishpa causanapish ima shina cashcata yachachunmi, chashnaca ruhuagrini» nirca.

JOSUÉ 23:7

Chai llactapi saquirishpa, cancunapac chaupipi causaccunahuanca ama tandanacunguichicchu. Paicunapac dioscunapac shutipi ama imatapish ari ninguichicchu. Paicunapac shutitaca ama rimanguichicchu. Chai dioscunata ama servinguichicchu. Ama paicunapac ñaupapi cumuringuichicchu.

1 CORINTIOS 4:7

¿Pitac cantaca shuccunamanta yallita ruhuarca? ¿Imatatac Diosmantaca mana chasquircangui? Chashna tucuita chasquishpaca, ¿ima nishpatac Diosmanta mana chasquishca shina jatun tucungui?

SAN JUAN 8:32

Chashnami cashcata nic cashcata ricsinguichic. Chai cashcata nic rimashcami cacharichinga— nirca.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

ISAÍAS 64:5

Cushicuihuan cashcata ruhuaccunahuan, canta yuyarishpa causaccunahuan tupangapac llucshircanguimi. Riqui, ñucanchic juchata ruhuashcamantaca piñarircanguimi. Cai tucui huatacunatami juchallata ruhuashpa catircanchic. Chashna cashpaca, ¿quishpirishunchu?

MIQUEAS 4:5

Tucui llactacuna ruhuashcalla dioscunata caticucpipish, ñucanchicca Mandac Diostami huiñaita cazushpa purishun.