ISAÍAS 25:8 - Dios Rimashcata Quillcashcami

⁸ Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

ISAÍAS 25:8 Referans Kwoze

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

1 CORINTIOS 15:54

Cai ismuclla cuerpo mana ismuclla cuerpo tucucpi, huañunalla cuerpo mana huañuna cuerpo tucucpica, Dios quillcachishcapi nishcami pactanga. Chaipica: «Huañuitaca atishpa chingachishcami.

OSEAS 13:14

Paicunataca, ¿Seolman rinamanta anchuchishachu? ¿Huañuimanta quishpichishachu? Ñuca anchuchingapacca, ¿maipitac huañuica? Ñuca canta tucuchingapac, ¿maipitac Seolca? Cai runacunataca mana llaquinichu.

1 CORINTIOS 15:26

Tucuipac quipaca, Cristoca huañuitami atinga.

APOCALIPSIS 20:14

Chai quipaca, Huañuipish, Hadespish rupacuc nina cuchapimi shitashca carca. Chaica quipa huañuimi.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

2 TIMOTEO 1:10

Cunanca Quishpichic Jesucristota cai pachaman cachashpami, Diosca cuyac cashcata ricuchirca. Paimi huañuita chingachishpa, quishpirinamanta huillashpa, mana chingarina causaita ricuchirca.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

ISAÍAS 54:4

Ama manchaichu, mana pingaichishcachu cangui. Ama pingaichu, cantaca pi mana burlangachu. Ashtahuanpish huambrarac cashpa, pingashcata, viuda cashpa, pingashcataca mana ashtahuan yuyaringuichu.

ISAÍAS 30:19

Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

SALMOS 69:9

Canta mañana huasita yallita munashpami huañucuni. Canta rimashcacunaca ñucatami llaquichin.

ISAÍAS 65:19

Ñucapish Jerusalenmantami cushicusha. Ñuca acllashcacunahuanmi yallita cushicusha. Jerusalenpica llaquihuan huacashcaca jaicapi mana uyaringachu.

ISAÍAS 60:15

Shitashca pamba, pipish mana ricunayachishca, pipish mana purinata munashca cacpipish, ñucami cantaca huiñai huiñaita alli nishca cachun ruhuasha. Tucui quipa huiñaicuna cushicushpa causanatami ruhuasha.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 37:3

Paicunaca: —Ezequiasca: “Cunan punzhaca yalli llaquichishca, pingaichishca, mai llaquillami canchic. Chaica, sajuarina punzha pactacpi, chai sajuaric huarmi mana fuerzata charic shinami canchic.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

SAN LUCAS 1:25

«Ñuca mana huahuayuc cashcamanta pipacpish ama pingaichishca cachunmi, Diosca ñucata chashna ruhuashca» nishpami yuyacurca.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

JEREMÍAS 31:16

Mandac Diosca: «Ama ashtahuan huacaichu, cambac ñahuimanta huiquita pichaiyari. Can llaquita apashcamantaca allitami cusha, piñaccunapac llactamantaca cutimungacunami.

SALMOS 116:8

Mandac Dioslla, canmi ñuca causaitaca huañuimanta quishpichircangui. Ñuca ñahuimantaca huiquita picharcangui. Ñuca chaqui lluchcarinamantapish jarcarcangui.