ISAÍAS 25:6 - Dios Rimashcata Quillcashcami

⁶ Tucuita Mandac Diosmi cai urcupi tucui gentecunaman jatun micuita ruhuanga. Chaipimi sumac mishqui micuita carashpa, sumac vinotapish ubiachinga. Sumac micuitapish carangami, imahuan mana chapushca sumac vinotapish ubiachingami.

ISAÍAS 25:6 Referans Kwoze

SAN MATEO 8:11

Ñucaca ninimi: Achcacunami inti llucshinamanta, inti yaicunamanta tandarishpa, ñaupa taita Abrahamhuan, Isaac-huan, Jacobohuan jahua pacha Dios mandacucpi micungapac tiyaringa.

SALMOS 63:5

Ñuca almaca huira aichata micushca shinami cushicunga. Jatun cushicuihuanmi ñuca shimihuan alabasha.

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.

SAN LUCAS 22:30

Cancunaca ñuca mandacucpimi, mizapi tiyarishpa ñucahuan micunguichic, ubianguichic. Mandashpa tiyarinapi tiyarishpami, Israelpac chunga ishcai aillucunata mandanguichic— nirca.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

ZACARÍAS 8:3

Ñucaca Sionman cutimushpami, Jerusalén chaupipi causasha. Jerusalenca cashcata nic llacta nishcami canga. Tucuita Mandac Dios ñucapaclla Sión urcuca ñucapaclla chicanyachishca urcumi canga.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

SAN MATEO 26:29

Ñucaca: Ñuca Taita mandacucpi, cancunahuan mushuc vinota ubiangacaman, cai uvas vinotaca mana ubiashachu nini— nirca.

ISAÍAS 25:10

Sión urcutaca Mandac Diosca cuidangami. Ashtahuanpish Moabpi causaccunataca mapata shitana pambapi ucshata saruc shinami, chai pushtullapitac sarunga.

SALMOS 78:68

Chaipac randica Judapac ailluta, Sión urcuta acllashpami cuyarca.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

CANTARES 1:2

¡Cambac shimihuan ñucata muchaiyari! Cambac cuyaica mishqui vinotapish yalli sumacmi.

SAN LUCAS 5:39

Maijanpish pucushca vinota ubiacca, llullu vinotaca mana ubiasha ninmanchu. Pucushcami ashtahuan alli ninmanmi— nirca.

JEREMÍAS 48:11

Moab llactapi causaccunaca huambramanta pachami cushilla causarca. Vinoca shuc puñullapi cashpaca mishquillami. Sumac ashnaipish mana chingarinchu. Shinami Moabca shuc puñumanta shuc puñuman vinota pasachicpi, sumac ashnaita mana chingachic shina, shuctac llactaman mana prezu apashca cashca.

MARCOS 16:15

Shinallatac paicunataca: —Tucui pachata rishpa, alli huillaita tucui gentecunaman huillagrichic.

SALMOS 36:8

Cambac huasi ucupi tiyac micunatami huicsa pactata micungacuna. Cambac sumaccunataca yacuta ubiachic shinami cungui.

ISAÍAS 56:7

ñucapaclla urcuman pushashpami ñucata mañana huasipi samachisha. Animalta huañuchishpa, ñuca altarpi tucui rupachishpa ñucaman cushcatapish chasquishami. Ñuca huasica tucui gentecuna ñucata mañana huasi shutimi canga» nini.