ISAÍAS 25:4 - Dios Rimashcata Quillcashcami

⁴ Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ISAÍAS 25:4 Referans Kwoze

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

ISAÍAS 33:16

mana manchashpa causanga. Paita jarcac rumica jatun torrecunami canga. Paimanca micunapish, yacupish mana illangachu.

SALMOS 107:41

Shina cacpipish, huacchacunata llaquimanta llucchishpami, paicunapac familiatapish oveja corral shinata mirachin.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ISAÍAS 49:25

Ashtahuanpish Mandac Diosca: «Sinchi runapac maquimanta prezuta llucchishallami. Mana llaquic mandacmantapish quichushallami. Ñucami canta llaquichic-huan macanacunpac shayarisha. Cambac huahuacunataca ñucami llaquimanta quishpichisha.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 33:2

Mandac Dioslla, ñucanchicta llaquiyari. Canllatami shuyacunchic. Tutamanta cambac rigrahuan ayudaiyari. Ñucanchic jatun llaquipi cacpipish quishpichiyari.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 29:5

Canta piñac achca runacunaca ñuto allpa shinami tucunga. Cutin, mana llaquic runacunaca huairapi ric tamo shinami tucunga. Chaica, cungaillami chashna tucunga.

ISAÍAS 27:5

Maijanpish ñucahuan alli tucusha niccunallami saquiringa. ¡Ari, ñucahuan alli tucusha niccunaca alli tucuchunlla!» nisha.

ISAÍAS 17:10

Chaica, jatun Rumi shina pacac, quishpichic Diosta mana yuyarishpa, cungarishcamantami chashnaca tucunga. Chaimantami cancuna shuctac llactamanta sumac yuracunata apamushpa tarpunguichic.

ISAÍAS 14:32

Llacta huillaccuna tapucpica, ¿imatatac nishun? Chaica: Mandac Diosmi Sión urcutaca churarca. Chaipimi llaquilla causac pai acllashcacunaca miticunga ninami canga» nirca.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

SALMOS 119:31

Mandac Dioslla, pactachichun can cushca shimicunapimi llutarishca shina causani. Amatac pingaipi saquinguichu.

SALMOS 72:13

Imata mana chariccunatapish, huacchacunatapish llaquishpami paicunapac causaita quishpichinga.

SALMOS 72:4

Gentecunapurapi llaquilla causaccunataca allita ricushpami mandanga. Huacchacunapac huahuacunata quishpichishpami, llaquichiccunataca sarunga.

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

SALMOS 55:8

Acapana huaira shina, mancharina tamya shina, caticuc gentecunamantaca callparishpachari miticugriman» yuyani.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SALMOS 121:5

Mandac Diosmi cantaca huacaichicun. Mandac Diosmi cambac alli ladopi shayarishpa llandunga.

ISAÍAS 8:14

Shina cacpimi, paicunapac huasi shina casha. Shina cashpapish ishcai llacta israelcunapacca mitcarina rumi shina, cutin Jerusalenpi causaccunapacca tuclla shinami casha.

ISAÍAS 16:3

Allita cunaichic, allita yuyarinacuichic. Chaupi punzha cacpipish, cancunapac llanduhuan amsa tuta shinata ruhuaichic. Miticushpa puriccunata pacaichic. Ama piñaccunaman cuichicchu.

ISAÍAS 28:6

Paica allita ricushpa mandaccunamanca cashcata ruhuana yuyaitami cunga. Llacta pungupi cuidac soldadocunataca yallitami sinchiyachinga.

ISAÍAS 29:20

Mana llaquic runacunaca tucuringami. Burlac runacunapish tucui chingaringami. Millaita ruhuana yuyailla causaccunapish, mana allita rimashpa,

ISAÍAS 57:13

¡Can mañacpica, ruhuashcalla dioscuna quishpichichun! Tucui chaicunatami huaira shamushpa apanga. Ashtahuanpish ñucapi miticurishpa causacca llactata japingami. Ñucapaclla urcupimi causanga.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

EZEQUIEL 38:9

Canca huairahuan tamya ric shina ringui. Cambac tucui soldadocunahuan, achca gentecunahuan rishpa, puyu shina, chai llactata tapangui.

SALMOS 9:10

Mandac Dioslla, canta mashcaccunataca mana saquircanguichu. Cambac shutita ricsiccunaca canpimi shunguta churangacuna.