ISAÍAS 25:1 - Dios Rimashcata Quillcashcami

¹ ¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 25:1 Referans Kwoze

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

SALMOS 118:28

Ñuca Diosca canmi cangui. Cantami pagui nisha. Ñuca Dioslla, cantami jatunyachisha.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 28:29

Chaitaca tucuita Mandac Diosllatacmi ruhuarca. Paica imata ruhuanata yuyarishcapish sumaimanami. Paipac yachaipish mai sumacmi.

SALMOS 40:5

Mandac Dioslla, ñuca Dioslla, jatun mancharinacunataca achcatami ruhuashcangui. Ñucanchicman allita ruhuana yuyaillami cangui. Can ruhuashca allicunaca mana yupaipacmi. Can tucui allicunata ruhuashcata cambac ñaupapi yupashpa huillasha nishpapish maita mana yupaipacmi can.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

APOCALIPSIS 7:12

«¡Chashna cachun! Ñucanchic Diosca sumac cashcamanta, yachac cashcamanta, alli nishca cashcamanta, imatapish ruhuaclla cashcamanta, jatun cashcamantami, huiñaicaman alli nishpa pagui ninchic. ¡Chashna cachun!» nicurcacuna.

ISAÍAS 26:13

Mandac Dioslla, shuctac mandaccunami ñucanchicta llaquichishpa mandacun. Shina cacpipish, cambac shutillatami alli ninchic.

SALMOS 146:2

Ñuca causaipica Mandac Diostami alabasha. Ñuca causashcacamanca salmocunahuanmi Diostaca cantasha.

SALMOS 99:5

¡Ñucanchicta Mandac Diostaca jatunyachichicyari! Pai jucha illac cashcamantaca paipac chaqui ñaupapi cumurichicyari.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

SALMOS 78:4

Paicunapac huahuacunapac ñaupapica mana upalla saquirinachu canchic. Mandac Diosta alabana cashcatapish, pai sumaimanacunata ruhuashcatapish quipa huahua huahuacunaman parlanami canchic.

SALMOS 145:1

Ñuca jatun Mandac Dioslla, cantaca jatunyachishami. Cambac shutitaca huiñaitami alli nicusha.

SALMOS 111:4

Mandac Diosca cuyac llaquic cashpami, mana cungaripac allicunata ruhuarca.

SALMOS 89:1

Mandac Dioslla, can llaquic cashcataca huiñaitami cantacushalla. Can nishcata pactachic cashcataca huahua huahuamanmi huillasha.

ISAÍAS 7:13

Shina nicpimi Isaiasca: —Davidpac huahuacuna uyaichic. ¿Cancunaca runata piñachina ashalla cacpichu, ñuca Diostapish piñachicunguichic?

ISAÍAS 11:5

Cashcata ruhuanahuanmi chumbillishca shina canga. Cutin pactachic canaca paipac cintura shinami canga.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

ISAÍAS 40:27

Jacobopac huahua huahuacunalla, ¿ima nishpatac caparicunguichic? Israelcunalla, ¿ima nishpatac cancunaca: «Mandac Diosca ñucanchic imata ruhuashcatapish, mana yachanchu. Shinallatac ñami ñucanchicta tariparca» ninguichic?

ISAÍAS 49:4

Ashtahuanpish ñucaca: «Yangallami trabajashcani. Imatapish mana japingapacmi ñuca fuerzata tucuchishcani. Shina cacpipish, ñuca imata ruhuashcataca Mandac Diosmi ricucushca. Imata ñuca ruhuashcamantaca ñuca Diosmi cunga» yuyarcanimi.

ISAÍAS 49:5

Mandac Diosca ñuca mamapac huicsamanta pachami paita servichun acllarca. Jacobopac huahua huahua israelcunata paipacman tandachimuchunmi acllarca. (Mandac Diospac ñaupapimi yallita alli nishca cani. Ñuca Diosmi sinchiyachin).

JOEL 2:26

Cancunaca mana nictami micunguichic. Cancunata Mandac Dios ñucapac shutitapish “Allimari” cangui, ninguichicmi. Ñucami cancunamanca mai allicunata ruhuasha. Ñuca acllashcacunaca jaicapi mana pingaichishcachu canga.

SALMOS 31:15

Ñuca causaipish cambac maquipimi. Piñashpa llaquichiccunamanta quishpichiyari.

SALMOS 40:6

Animalcunata canman cushpa huañuchichunpish, ofrendata cuchunpish mana munanguichu. Juchacunamanta animalcunata cushpa, tucui rupachichunpish mana mañashcanguichu.

SALMOS 75:2

Diosca: «Ñuca acllashca punzhapimi gentecuna imata ruhuashcata ricushpa taripasha.

ISAÍAS 46:11

Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.