ISAÍAS 24:20 - Dios Rimashcata Quillcashcami

²⁰ Cai pachaca machashca runa shinami, sansa nicunga. Chuclla shinami yallita cuyuringa. Cai pachapica jucha yallita miracpimi, tucui urmashpa manatac jataringa.

ISAÍAS 24:20 Referans Kwoze

ISAÍAS 19:14

Mandac Diosmi paicunapac chaupipi muspachic yuyaita churashca. Egiptopi causaccunataca shuc machashca runa shitachishca jahuallapitac sansan nicuc shinata ruhuashpami pandachirca.

AMÓS 8:14

Samariapi tiyac dioscunapac shutipi ari nishpa: “¡Dan aillulla, cancunapac diospac shutipi ari ninchic!” niccunapish, shinallatac: “¡Beersebaman rina ñanpac shutipimi ari ninchic!” niccunapish, mana jaicapi jataringapacmi urmangacuna» nirca.

DANIEL 11:19

Chai quipami paica paipac llactapi tiyac jatun torreman cutinga. Chaiman cuticpipish huañuchingami. Ña mana ashtahuan ricuringachu.

ISAÍAS 29:9

¡Cancunaca mancharichicyari! ¡Ñahui mana ricuccuna shina tucuichicyari! ¡Machashca caichicyari, shinapish mana vinohuan! ¡Machashpa caiman chaiman tigracuichicyari, shinapish mana machana yacuhuan!

APOCALIPSIS 18:21

Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.

LAMENTACIONES 1:14

Mandac Diosmi paipac maquihuan ñuca juchataca yugota shina, ñucapi huatarca. Yugota ñuca cungapi huatashpami, yallita irquiyachishpa llaquichirca. Ñucataca maita mana ati pudipac gentecunapac maquipimi churarca.

JEREMÍAS 25:27

Canca: “Israelcunapac tucuita Mandac Diosca: Caita ubiashpa, macharishpa arcadashpa urmaichic. Jatun macanacuita llaquichichun ñuca cachacpimi, mana jataringuichic” ninmi ningui.

JEREMÍAS 8:4

Can Jeremías paicunataca: Maijanpish urmashpaca, ¿manachu jatarin? Ñanta chingachishpapish, ¿manachu ñanta mashcangapac cutin?

ISAÍAS 43:27

Cancunapac punta taitapish juchata ruhuarcami. Cancunata yachachiccunapish, mana cazushpami ñucata piñachirca.

ISAÍAS 38:12

Ñuca causana huasipish ovejata michina carpata shinami, shuc ladoman anchuchirca. Ahuac runa ahuashcata pitic shinami, cai ungüihuan ñuca causaica pitirin. Punzha cashpa, tuta cashpapish tucurigrinimi” yuyarcami.

ISAÍAS 1:28

Ashtahuanpish cariyashpa, mana cazuc juchasapacunataca tandachishpami tucuchisha. Mandac Dios ñucata cungariccunaca tucuimi tucuchishca canga.

ISAÍAS 1:8

Sión llactaca uvas chagra chaupipi ruhuashca chuclla shina, melón chagra chaupipi ruhuashca chuclla shinami saquirishca. Chai llactaca piñaccunapac chaupipi shinami saquirishca» nini.

SALMOS 107:27

Machashca shinami sansan nishpa, caiman chaiman urmancuna. Paicuna alli yachac cashcapish yangallami tucuncuna.

SALMOS 38:4

Ñuca millaita ruhuashcami ñucataca ñiticun. Jatun quipi shinami ñuca jahuapi llashacun.

JOB 12:25

Machashca shinatami ruhuan. Amsa tutapi shinami tantiashpalla purincuna.

ISAÍAS 24:1

Riquichic, Mandac Diosca cai pachataca chushacllatami saquinga. Cai pachapi causaccunataca caita chaita cachashpami, cai allpataca chushacllata ruhuanga.

ISAÍAS 28:7

Huillaccunapish, curacunapish vinota ubiashpami pandarirca. Machana yacuta ubiashpami yuyai illac tucurca. Machana yacuta, vinota ubiashpami macharirca. Chaicunata ubiashpa macharishpami, imatapish muscuipi shina, Dios ricuchishcataca pandata huillarca. Imata ruhuashpapish pandarircami.

ISAÍAS 66:24

Ñuca ñaupamanta llucshishpa cachashca, ñucata mana cazushpa cariyaccuna huañushpa, siricuctami ricunga. Paicunata micuc curucunaca manatac huañungachu. Paicunata rupachic ninaca manatac huañungachu. Paicunaca tucui gentecunapac ñaupapimi millanayachishca canga» ninmi.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

GÉNESIS 41:31

Chashna yalli yarcai tiyacpimi, ñaupaman achca pucushcapish mana pucushca shinallatac canga.

JEREMÍAS 4:24

Urcucunata ricucpica chucchucurcami. Lomacunapish cuyuricurcami.

JEREMÍAS 51:29

Mandac Diosca Babilonia llactata tucuchishpa pipish mana causana shitashca pambata ruhuangapac yuyarishcataca pactachigrinmi. Chaimantami cai pachaca cuyurishpa chucchunga.