ISAÍAS 24:16 - Dios Rimashcata Quillcashcami

¹⁶ Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

ISAÍAS 24:16 Referans Kwoze

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

JEREMÍAS 5:11

Israel aillucunapish, Judá aillucunapish, ñucataca mana cazurcacunachu. Chaitaca Mandac Dios ñucami nini» ninmi.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

JEREMÍAS 3:20

Israel-lla, canca shuc huarmi cusata mana cazuc shinami mana cazushpa, ñucataca shitarcangui. Chaitaca Mandac Dios ñucami nini.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

HECHOS 13:47

Mandac Diosca ñucanchicta mandashpaca: “Mana israelcunaman luz shina achicyachichunmi churarcani. Tucui cai pachapi causaccunapish can huillashcamanta quishpirichunmi, churarcani” nishcami— nircacuna.

MARCOS 13:27

Chaimantaca ñuca angelcunatami ñuca acllashcacunata tucui pacha muyundimanta tandachichun cachasha.

HABACUC 1:3

¿Ima nishpatac mana allicunata ricuchingui? ¿Ima nishpatac llaquicunata ricuchun saquingui? Ñuca ñaupapica piñanacui, rimarinacui, macanacui, huañuchishpa tucuchinacuimi ricurin.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

OSEAS 6:7

Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.

LAMENTACIONES 1:2

Tuta yallita huacacpimi, ñahui quingraita huiqui urmacunlla. Tucui paita cuyaccunamantaca pipish mana cushichinchu. Tucui paipac ricsishcacunaca cunanca piñanmi.

JEREMÍAS 12:6

Cambac huauquicunallatac, cambac huasi ucupuracunallatacmi canta llaquichingapac jatarishca. Paicunaca cambac huashallapimi caparishpa rimarincuna. Chaimanta paicuna sumacta rimacpipish, ama cringuichu.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

ISAÍAS 28:5

Chai punzhapica tucuita Mandac Diosca pai acllashcapuramanta saquirishcacunapacca sumaimana achic nicuc corona shina, umapi churarina diadema shinami canga.

ISAÍAS 26:15

Mandac Dioslla, can acllashcacunataca ashtahuanmi mirachircangui. Chashna mirachishpami, canca yallita alli nishca cangui. Cai pacha tucuricamanmi jundachircangui.

ISAÍAS 17:4

«Chai punzhapica Jacobopac huahuacunaca ña mana cushicushpa, jatun tucungachu. Paicunaca huira cashpapish tulluyangami.

ISAÍAS 10:16

Chaimantami tucuita Mandac Diosca sinchi soldadocunaman ungüita cachanga. Paicuna sumaimana cacpipish paicunapac chaupipi ninata japichicpimi, ninaca ucllaric shina tucuchinga.

SALMOS 106:15

Diosca paicuna mañashcatami cararca. Shina cashpapish huañuchic ungüihuanmi paicunata llaquichirca.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

SALMOS 67:7

Dios ñucanchicta bendiciachun. Tucui cai pachapi causaccuna paita manchachun.

SALMOS 58:10

Cashcata ruhuaccunaca millaicunata Dios llaquichicpica cushicungami. Diosta mana manchaccunapac yahuarhuanmi chaquita jahuangacuna.

SALMOS 2:8

Llactacunatapish cambac cachun mañailla, ñucaca cushallami. Cai pacha tucuricamanmi cambaclla canga.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

LEVÍTICO 26:39

Cancunapuramanta mana huañushpa saquiriccunaca piñaccunapac llactapimi paicunapac mana allita ruhuashcamanta, shinallatac paicunapac taitacunapac juchamanta huañungacuna.

SALMOS 65:8

Chashna sumaimanata ruhuacta ricushpami, tucui cai pachapi causaccunapish manchancuna. Canmi inti llucshinamanta callarishpa inti tigrana llactacaman cushichingui.

SALMOS 119:158

Mana cazuccunaca can mandashpa rimashcacunataca mana cazunchu. Chaicunataca mana ricunayanchu.

ISAÍAS 11:12

Tucui llactapi causaccuna ricuchun, shuc banderata shayachishpami, llucchishpa cachashca israelcunataca cutin tandachimunga. Caita, chaita rishca Judá aillutapish cai pacha chuscu ladomantami tandachimunga.

ISAÍAS 42:10

Mandac Diostaca mushuc cantohuan cantaichicyari. Tucui llactacunapi causaccuna alabaichicyari. Mama cuchata puriccunapish, chai yacupi tiyaccunapish, mama cucha patapi tiyac llactacunapish, chaipi tiyaccunapish alabaichicyari.

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.