ISAÍAS 23:11 - Dios Rimashcata Quillcashcami

¹¹ Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

ISAÍAS 23:11 Referans Kwoze

ÉXODO 14:21

Moisés maquita cucha jahuata chutacpica, Mandac Diosmi inti llucshina ladomanta sinchi huairata tucui tuta cachashpa, cuchataca ishcaipi chaupirca. Cuchaca ishcaipi chaupishpa, chaquishca allpa shina tucushpa saquirirca.

SAN JUAN 2:16

Shinallatac palomata catuccunataca: —¡Caicunata caimanta llucchichic! ¡Ñuca Taitapac huasitaca ama randina, catuna huasita ruhuaichicchu!— nirca.

MARCOS 11:17

Jesusca chaipi caccunataca yachachishpaca: —Dios quillcachishcapica: “Ñuca huasica tucui llactamanta shamuccuna ñucata mañana huasimi canga” ninmi, ashtahuanpish cancunaca shuhuaccuna miticuna machaitami ruhuashcanguichic— nirca.

ZACARÍAS 14:21

Jerusalenpi, Judá llacta mangacunapish Mandac Diospac chicanyachishcami canga. Diosman animalta cushpa huañuchiccunaca chai mangacunata japishpami, chaipi yanunga. Chai punzhapica tucuita Mandac Diospac huasipica randicpish, catucpish mana ashtahuan tiyangachu.

HAGEO 2:7

Tucui llactacunapi causaccunatami chucchuchisha. Chashna ruhuacpimi, tucui llactacunapi causaccunaca sumac charishcacunata apamunga. Chaicunahuanmi cai huasipica sumacyachishca canga.

NAHÚM 1:14

Nínive llactalla, Mandac Dios mandashpaca: “Cambac shutita jaicapi ama yuyarishca cachun. Cambac diospac huasipi tiyac dioscunatapish imaman riccha dioscunatapish ñutuchishami. Can imapac mana valic cashcamantami chaillapitac enterrana jutcuta ruhuasha” ninmi.

EZEQUIEL 31:16

Chai yurata tigrachicpimi, tucui llactapi causaccunaca chucchunga. Huañushcacunahuan pacta Seolman cachacpica, Edén huertapi tiyac acllashca yuracunapish, Líbano urcupi tiyac tucuimanta yalli sumac yuracunapish, yacuta sungac yuracunapish cushicungami.

EZEQUIEL 26:10

Yalli achca caballocuna shamushpami, polvota jatarichishpa tucui llactata tapanga. Caballocuna sarushpa, carreta ruedacuna tarac nishpa shamucpimi, muyundi pircacunapish chucchunga. Chashnami llactaman yaicunata, pirca tallirishcata yaicunga.

JEREMÍAS 47:7

Mandac Dios ñucallatacmi Ascalón llactapi causaccunata, mama cucha ladopi tiyac llactapi causaccunata huañuchichun mandani. Shina cacpica, ¿imamantatac samaringuiyari?» ninmi.

ISAÍAS 25:2

Canmi llactacunatapish rumi montonta shina saquircangui. Muyundita pircashca llactacunataca tucuimi urmachircangui. Shuc llacta runacunapac huasicunatapish ñutuchircanguimi. Chaicunataca mana cutin shayachingachu.

ISAÍAS 23:3

Nilo yacu patapi pucushca chagracunatapish, chai yacu chimba ladopi pucushca granotapish apamuc carca. Chaimantami Tiro llactapi causaccunaca achca cullquita japic carca.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

SALMOS 71:3

Ñuca huiñaita miticungapac rina jatun rumi caiyari. Canca ñuca miticuna jatun rumi shina, muyundita jatun pircashca shinami cangui. Canca ñucata quishpichic cangui.

SALMOS 46:6

Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

GÉNESIS 9:25

Chaimantami paica: «Canaán, mana alli nishcami cangui. Cambac huauquicunata serviccunamantapish yalli yanga servicmi cangui» nirca.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

ISAÍAS 13:13

Tucuita Mandac Dios nina japiric shina piñari punzhapica jahua pachapish chucchungami, cai pachapish shucman ladoman cuyuchishcami canga.

ISAÍAS 14:26

Cai pachata llaquichingapacmi ña yuyarircani. Tucui llactacunata llaquichingapacmi maquita chutashca cani» nirca.

ISAÍAS 19:5

Mama cucha yacupish chingaringami. Jatun yacupish chaquingami.

ISAÍAS 23:10

Tarsis llactapi causaccunalla, cancunapac barcocuna shayarinaca ña mana tiyanchu. Chaimanta jatun yacu Nilo patapi chagracunata ruhuagrichic.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

EZEQUIEL 26:4

Paicunami Tiro llacta pircacunatapish tuñishpa, torrecunatapish ñutuchinga. Chashnami ñuto allpatapish pichashpa, llambuclla rumi shinata saquisha.