ISAÍAS 23:10 - Dios Rimashcata Quillcashcami

¹⁰ Tarsis llactapi causaccunalla, cancunapac barcocuna shayarinaca ña mana tiyanchu. Chaimanta jatun yacu Nilo patapi chagracunata ruhuagrichic.

ISAÍAS 23:10 Referans Kwoze

ISAÍAS 23:14

Tarsis llactamanta jatun barcocunata purichiccunalla, caparishpa huacaichicyari. Cancunapac sinchi torrecunaca tucurishcami.

SALMOS 18:32

Diosmi alli chumbillichic shina fuerzata cun. Paimi ñucataca mana pandarishpa causachun cuidan.

JOB 12:21

Jatun mandaccunatapish mana valichinllami. Alli sinchita huatallishcatapish pascachinllami.

1 SAMUEL 28:20

Samuel chashna huillacta uyashpami yallita mancharishpa Saulca jatun runa cashcamanta pambapi suniman urmarca. Shinallatac chai punzhapish, chai tutapish imata mana micushcamantami fuerza illac carca.

ROMANOS 5:6

Ñucanchic maita mana quishpiripac cacpimi, Dios acllashca punzha Cristoca juchayuccunamanta huañurca.

HAGEO 2:22

Jatun mandaccuna mandashpa tiyanatapish urmachishami. Tucui jatun mandaccuna mandana llactacunatapish tucuchishami. Carretacunatapish, chai carretapi puriccunatapish urmachishami. Shina urmachicpimi, caballocunapish, caballopi ric soldadocunapish huañunga. Paicunapac espadallahuantacmi caishuc, chaishuc huañunacunga.

LAMENTACIONES 1:6

Sionpi cushicunaca tucurishcami. Mandaccunapish taruga quihuata mana tarishpa puric shinami, paicunata piñaccunapac ñaupapi yallita irquiyashca puricun.

ISAÍAS 19:7

Jatun yacu patapi tiyac sachacunapish, chai yacu lado pambapi tiyac chagracunapish tucuimi chaquinga. Chashna chaquicpimi, huaira tucuita apanga.

ISAÍAS 23:9

Tucuita Mandac Diosmi alli nishca, jatun tucushcacunata yangapi churashpa, pingaichingapac yuyarishca.

ISAÍAS 23:11

Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

EZEQUIEL 26:18

Cunan llaqui tucucpica, mama cucha patapi causaccunapish, islacunapish, chucchushpami mancharinga.