ISAÍAS 23:1 - Dios Rimashcata Quillcashcami

¹ Tiro llacta llaqui tucunamanta huillashpaca: Chai llactaca shuc huasillapish mana saquirishpami, barcocuna shayachinapish tucurishca nishpami Quitimmanta shamuccuna huillarca. Tarsis llacta jatun barcocunata purichiccuna huacaichicyari.

ISAÍAS 23:1 Referans Kwoze

GÉNESIS 10:4

Javanpac churicunaca: Elisa, Tarsis, Quitim, Dodanimmi carca.

JEREMÍAS 47:4

Filisteocunatapish, paicunata ayudac Tiro, Sidón llactacunatapish tucuchina punzhami chayamushca. Mama cucha chaupipi tiyac Caftor llactamanta chaupirishpa shamushca filisteocunataca Mandac Diosmi tucuchinga.

JEREMÍAS 25:22

Tiro, Sidón llactacunata jatun mandaccunamanpish, mama cucha ladopi tiyac tucui llactacunata jatun mandaccunamanpish curcanimi.

ISAÍAS 2:16

Tarsis llactamanta jatun barcocunata, sumacta pintashca barcocunatapish llaquichina punzhami chayamugrin.

JEREMÍAS 2:10

Mama cucha patapi tiyac Quitim llactaman pasashpa ricuichicyari. Cai shina maipi tucushcata yachangapac Cedar llactapi tapuchun maijanta cachaichicyari.

ISAÍAS 23:12

Cutinllatac paica: «Sidón llactapi llaquichishca carihuan mana chayarishca solteracunalla, ña mana ashtahuan cushicunguichu. Quitim llactaman pasangapac jatarichicyari. Chaipipish mana samaringuichu» nirca.

1 REYES 22:48

Josafatca Tarsis llacta jatun barcocuna shinatacmi Ufir llactamanta curita apamungapac jatun barcocunata ruhuarca. Shina cacpipish, chai barcocunaca mana rircachu. Ashtahuanpish Ezión-geber llactapimi paquirishpa tucurirca.

1 REYES 10:22

Jatun mandac Salomonca Tarsis pueblomanta paipac jatun barcocunatami Hiram runapac barcocunahuan mama cuchapi charirca. Chai barcocunapica Tarsis pueblomantami curita, cullquita, marfilta, monocunata, pavo realcunata cada quimsa huatapi shuc cutin apamuc carca.

DANIEL 11:30

Chaica, Quitim llactamantami jatun barcocuna paihuan macanacungapac shamunga. Chaimantami mana macanacusha nishpa cutinga. Shina cutishpaca jucha illac Dios-huan ari nishcata cungachina yuyaihuanmi cutinga. Chashnami pai munashcata ruhuashpa llaquichinga. Shinallatac jucha illac Dios-huan ari nishcata saquiccunahuanmi shuc yuyailla tucunga.

EZEQUIEL 26:1

Chunga shuc huata, callari quilla, punta punzhapi Mandac Dios ñucata rimashpaca:

JEREMÍAS 25:15

Israelcunata Mandac Diosca: «Ñuca yallita piñarishca vino copata ñuca maquimanta japishpa, ñuca canta cachashca llactacunapi causaccunaman ubiachi.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 24:10

Llactacunapish tucurishpami llaquilla tucushca. Ama pi yaicuchun, pungucunapish huichcashcami.

ISAÍAS 15:8

Chai runacuna llaquilla caparinacushcaca Moab llacta tupanacuicaman, Eglaim, Beer-elim llactacunacamanmi uyaringa.

SALMOS 48:7

Canca inti llucshina ladomanta huairata cachashpami, Tarsis llacta barcocunata paquircangui.

2 CRÓNICAS 9:21

Jatun mandac Salomonpac jatun barcocunaca Hiramta serviccunahuan, Tarsis llactaman rishpami, chai barcocunapi curita, cullquita, marfilta, monocunata, pavo realcunata cada quimsa huatapi shuc cutin apamuc carca.

1 REYES 5:1

Tiro pueblota jatun mandac Hiramca Davidhuanca tucui causaipimi, apanacuc carca. Chaimantami Salomonta paipac taita Davidpac randi jatun mandac cachun aceitehuan cahuishcata yachashpaca, paita serviccunata cacharca.

JOSUÉ 19:29

Chaimantaca Ramá pueblo ladoman cutishpa, muyundi pircashca Tiro pueblocamanmi carca. Chai pueblomantaca Hosa pueblota muyushpa, mama cuchacamanmi carca. Shinallatac Mahaleb, Aczib,

NÚMEROS 24:24

Chipre llactamanta barcocuna shamushpami, Asiriapi causaccunata llaquichinga. Heberpi causaccunatapish chashnallatacmi llaquichinga» nirca.

SAN LUCAS 10:13

¡Aij, Corazín pueblolla! ¡Betsaida pueblolla, imachari tucunguichic! Cai pueblocunapi ruhuashca milagrocunata Tiro pueblopi, Sidón pueblopi ñuca ruhuashca cacpica, paicunaca sharpa churanata churarishpa, uchupapi tiyarishpa, llaquirishpa Diosman cutirinmanmi carca.

ISAÍAS 23:6

Tarsis llactaman richic. Tucui mama cucha patapi causaccunalla huacaichicyari.

EZEQUIEL 26:2

«Huañunalla runa, Tiro llactapi causaccunaca Jerusalén llaqui tucushcata ricushpaca: “¡Llactacunapac pungu shina, Jerusalenca tucurishcami! ¡Chai llacta tucuricpica, ñucami achcata charisha, Jerusalenca shitashcami! ¡Allita chashna tucurca!” nircami.

EZEQUIEL 27:6

Barcota purichinacunataca Basán llactamanta encina caspimantami ruhuarca. Catataca Quitim llactamanta pino caspihuan, marfilhuanmi ruhuarca.

EZEQUIEL 27:30

Canmantami llaquinayaita caparishpa huacashca uyaringa. Umapi allpata churashpami, uchupapi singunga.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.