ISAÍAS 22:5 - Dios Rimashcata Quillcashcami

⁵ Chaica, tucuita Mandac Diosmi llacta muyundi jatun pircata urmachingapac muscuipi ricushcalaya pugru pambaman yallita caparishpa, mancharishpa musparina punzhata cachashca. Urcuman uyarictami yallita caparin.

ISAÍAS 22:5 Referans Kwoze

SAN LUCAS 23:30

Chaimantami urcucunataca: “Ñucanchic jahuapi tuñiri” cutin lomacunataca: “Ñucanchicta tapai” ningacuna.

MIQUEAS 7:4

Paicunapuramanta alli nishca runaca casha shinami. Allita ruhuac runaca zarza yura shinami. ¡Chapac runacuna huillashca shinami, llaquichina punzhapish pactamun! ¡Cunanmi musparishpa imatapish mana ruhuai pudinguichic!

LAMENTACIONES 1:5

Jerusalenpi causaccunaca Mandac Diosta mana cazurcachu. Chaimantami yallita llaquichirca. Paicunata piñaccunaca mandaccuna tucushca. Paita piñaccunaca cushillami causacun. Huahuacunatapish piñaccunami prezu apashca.

ISAÍAS 37:3

Paicunaca: —Ezequiasca: “Cunan punzhaca yalli llaquichishca, pingaichishca, mai llaquillami canchic. Chaica, sajuarina punzha pactacpi, chai sajuaric huarmi mana fuerzata charic shinami canchic.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

LAMENTACIONES 2:2

Mandac Diosca mana llaquishpami Jacobopac carpa huasicunata urmachirca. Yallita piñarishpami Judá llacta sinchi torrecunatapish urmachirca. Jatun mandactapish, shuctac mandaccunatapish, yangallata ruhuashpami pingaichirca.

JEREMÍAS 30:7

¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

ISAÍAS 22:1

Muscuipi ricushcalaya pugru pamba llaqui tucunamanta huillashpaca: ¿Imapactac cunanca llactapurallatac huasi jahuaman llucshinguichic?

SAN MATEO 24:16

Judea llactapi causaccunaca urcucunapi miticugrichun.

ISAÍAS 25:10

Sión urcutaca Mandac Diosca cuidangami. Ashtahuanpish Moabpi causaccunataca mapata shitana pambapi ucshata saruc shinami, chai pushtullapitac sarunga.

ISAÍAS 5:5

Cunanca ñuca uvas chagrata imata ruhuagricushcatami huillagrini. Pipish chagrata tucuchichunmi muyundi jarcashcata urmachigrini. Pipish yaicushpa sarunacuchunmi pircatapish urmachigrini.

ESTER 3:15

Jatun mandac mandacpimi, quillcata apaccunaca utca llucshirca. Chai mandashcataca llactata mandana Susa pueblopimi quillcarca. Chai quipami jatun mandac-huan, Amanhuanca ubiangapac tiyarirca. Ashtahuanpish Susa pueblopi causaccunaca yallitami mancharirca.

2 REYES 25:10

Chai mandac-huan shamuc tucui caldeo soldadocunaca Jerusalén muyundi jatun pircatami urmachirca.

2 REYES 19:3

Paicuna chaiman chayashpaca: «Ezequiasca: “Cunan punzhaca pingaichishca, rimai tucushca, jatun llaqui punzhapimi canchic. Huahuata shuc huarmi ña sajuarigricushpa fuerza illac saquiric shinami canchic.

ISAÍAS 63:3

Ñucallami uvasta cutanapica uvasta sarucurcani. Gentepuramanta pi mana ñucahuan carcachu. Yallita piñarishpami sarucurcani. Chashna sarucucpimi, ñuca churanapi paicunapac yahuar chiraparishpa, tucui churanata cahuirca.

ISAÍAS 63:6

Ñuca yallita piñarishpami, gentecunataca sarurcani. Chashna yallita piñarishpami machashca shinata saquishpa, paicunapac yahuartaca allpapi jicharcani.

EZEQUIEL 7:7

¡Llactapi causaccunalla, cancunata llaquichina punzhaca ñami chayamun! ¡Urcucunapi cushicushpa caparinapac randica, llaquihuan caparina punzhami chayamun!

SOFONÍAS 1:15

Dios piñarishpa tucuchi punzhaca llaqui, huacai, nanai, caparinacui, punzhami canga. Chai punzhaca pura tuta, puyuhuan tapashca amsami canga.

LAMENTACIONES 2:8

Mandac Diosca Sión muyundi pircata urmachinata yuyarishpami cordelhuan medishpa, tucui tucurincaman chingachirca. Canzha pircacunatapish, ucu pircacunatapish llaquinayaitami tucuchirca.