ISAÍAS 22:23 - Dios Rimashcata Quillcashcami

²³ Paitaca sinchi pushtupi clavashca clavota shinami sinchita churasha. Chaipimi paipac taitapac familiacunapac alli nishca canga.

ISAÍAS 22:23 Referans Kwoze

JOB 36:7

Cashcata ruhuaccunataca cuidanmi. Jatun mandaccunahuan tiyarinapi tiyachishpami, huiñaipac jatunyachin.

ESDRAS 9:8

Ashtahuanpish cunanca ñucanchicta Mandac Dioslla, maijancunallatapish llaquichishpa, llaquimanta llucchishpa, imata mana manchashpa, cambac huasipi allita causachunmi llucchishcangui. Ñucanchic Dioslla, shuccunata servishpa causacucpi, samachingapacmi ñahuita pascac shina, sumac punzhata ñucanchicman ricuchishcangui.

ZACARÍAS 10:4

Paicunamantami esquinapi churana rumipish, jatun ishtacapish llucshinga. Paicunallamantatacmi macanacuna arcopish, mandaccunapish llucshinga.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

ECLESIASTÉS 12:11

Jatun yachaccuna allichishca rimaicunaca puntasapa fierro shinami. Yuyaicunata tandachishpa quillcashca rimaicunaca allita clavashca clavocuna shinami. Chai shimicunataca shuc michicmi curca.

ESTER 10:3

Jatun mandac Asueropac quipa mandacca Judá llactamanta Mardoqueomi carca. Paica paipac huauquicunapacpish, Judá llactamanta achca gentecunapacpish mai alli nishcami carca. Paica, paipac llacta gentecunaman allita ruhuashcamanta tucui paipac huahua huahuacunamanpish cushi causai tiyachunmi munarca Chaimantami alli nishca carca.

ESTER 4:14

Can ñucanchicmanta cunan punzhacunapi imata mana ruhuashpa, upalla saquiricpica, maijan shucmi Judá llactapi causaccunataca quishpichinga. Shina cacpipish canca cambac taitapac huasi ucupurandimi huañunguichic. Canca cai llaquimanta ñucanchicta quishpichingapac jatun mandac tucushcataca ¿pitac yachanyari?» nichunmi cacharca.

ISAÍAS 22:24

Paimantami taitapac huasi ucupurapish, paicunapac churicunapish, nietocunapish causanga. Tucui ima charishcacunapish, uchilla jarrocunamanta, vasocunamanta callarishpa, jatun tenajacunacamanmi paipi huarcushca shina canga.

ISAÍAS 22:25

Chai punzhapimi sinchi pushtupi clavashca clavoca urmanga. Paipi huarcushcacunapish urmashpa tucuimi ñuturinga. Chaitaca Mandac Dios ñucami nini” ninmi ningui» nirca.