ISAÍAS 21:2 - Dios Rimashcata Quillcashcami

² Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

ISAÍAS 21:2 Referans Kwoze

JEREMÍAS 49:34

Judá llactata jatun mandac Sedequías mandacui huata Mandac Dios Elam llactata llaquichinamanta pai ima nishcata huillac Jeremiasta rimashpaca:

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 24:16

Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

SALMOS 60:3

Can acllashcacunataca yallitami llaquichishcangui. Machachic vinotami ubiachishcangui.

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.

DANIEL 5:28

PARSIN nishpaca, can mandana llactata chaupishpa shuc partetaca Media llacta runacunaman, shuc partetaca Persia llactapi causaccunaman cuna cashcatami nisha nin— nirca.

DANIEL 8:20

Can ricushca gachuyuc cari ovejaca Media, Persia llactacunata jatun mandaccunatami nisha nin.

LAMENTACIONES 1:22

Paicuna tucui mana allita ruhuashcacunaca cambac ñaupapi ricurichun. Ñuca canta mana cazushpa llaquichishca shinallatac paicunatapish llaquichiyari. Ñucaca yallitami llaquirini. Ñuca shungutapish nananmi.

JEREMÍAS 51:53

Babilonia llacta muyundi pirca jahua pachaman cacpipish, chaimanmi ñuca cachashca piñaccunaca chayanga.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

JEREMÍAS 50:34

Shina cacpipish, paicunata quishpichicca sinchimi. Paipac shutica tucuita Mandac Diosmi. Babilonia llactata llaquichishpami israelcunataca cacharichishpa samachisha. Babilonia llactapi causaccunamanca manchaitami cachasha.

JEREMÍAS 50:14

Babilonia llactapi causaccunahuan macanacungapac muyundita allichirishpa shayarichic. Flechacunahuan shitaccuna ama pandarishpa shitaichiclla. Paicunaca Mandac Diostami piñachirca.

JEREMÍAS 45:3

“Canca: ‘¡Aij, ñucalla! Mandac Diosca ñuca llaquihuan cacpipish, ashtahuan llaquichinmi. Huacacushpalla shaicushcami cani, mana samarinichu’ nicunguimi” ninmi.

JEREMÍAS 31:25

Shaicushcapac shungutaca sinchiyachishami. Llaquilla causaccunapac almatapish cushichishami» ninmi.

JEREMÍAS 31:20

¿Manachu Efrainca ñuca cuyashca huahua? ¿Manachu ñuca cushicuna huahua? Punzhantami paita yuyaricunilla. Ñuca paita yuyarishpaca shungumantami llaquirini. Paitaca llaquishatacmi» nini. Chaitaca Mandac Dios ñucami nini.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

ISAÍAS 22:6

Elam llactamantaca flechacunata huacaichinata apashpami, caballocunapi, carretacunapi huichai rirca. Kir llactamanta soldadocunaca escudocunatami llucchirca.

PROVERBIOS 13:15

Alli yuyaica cushichinmi. Ashtahuanpish mana cazuccunapac causaica llaqui causaimi.

SALMOS 79:11

Prezucuna huacashcapish cambac ñaupaman chayashca cachun. Huañuchingapac prezushcacunatapish tucuita ruhuac cambac rigrahuan quishpichiyari.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

1 SAMUEL 24:13

Ñaupa punzhacuna yuyaita japina shimicunapica: “Mana allicunamantami mana alli yuyaicunaca llucshin” nicmi carca. Ashtahuanpish ñuca maquihuanca cantaca mana llaquichishachu.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

SALMOS 25:3

Maijanpish canpi shunguta churaccunaca mana pingaichishcachu canga. Llullashpa cambac contra jatariccunami pingaichishca canga.

SALMOS 119:158

Mana cazuccunaca can mandashpa rimashcacunataca mana cazunchu. Chaicunataca mana ricunayanchu.

DANIEL 5:9

Chaimantami jatun mandac Belsasarca yallita llaquirishpa ñahuipish irquiyarca. Pai churashca mandaccunapish llaquilla tucushpami, imata mana ruhuai pudirca.

GÉNESIS 10:22

Sempac churicunaca: Elam, Asur, Arfaxad, Lud, Arammi carca.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 14:4

Babilonia llactata jatun mandacta burlashpaca: «¡Saruc shina llaquichic runaca imami tucushca! ¡Pitapish mana uyac cari tucushca runaca imami tucushca!

ISAÍAS 14:7

Cunanca, tucui cai pachapi causaccunami imatapish mana manchashpa, Mandac Diosta alli nishpa, cushilla causan.

JEREMÍAS 25:25

Zimri, Elam, Media llactacunata jatun mandaccunamanpish curcanimi.

JEREMÍAS 49:35

«Tucuita Mandac Dios ñucaca: Elam llactapi causaccunaca arcohuan sinchita macanacuccunami. Chai arcocunataca paquigrinimi.

DANIEL 8:2

Chaitaca Elam llactapi tiyac jatun llacta Susapi cashpami ricurcani. Shinallatac Ulai yacu ladopi cashpami, chashna muscuipi shina ricurcani.