ISAÍAS 21:16 - Dios Rimashcata Quillcashcami

¹⁶ Mandac Diosca ñucataca: «Caimanta huata quipaca Cedar aillupac huahua huahuacuna sumac cashcaca, caipi chaipi trabajashpa puric runapac huata shinami chingaringa.

ISAÍAS 21:16 Referans Kwoze

ISAÍAS 60:7

Cedar llactamantaca animalcunata tandachishpami cambac ñaupaman apamunga. Nebaiot llactamanta cari ovejacunatami canman cungacuna. Chaicunataca cushicushpami, Mandac Diospac altarpi rupachishcata chasquinga. Achicyachic paipac causana huasitaca yallita sumacyachinga.

ISAÍAS 16:14

Cunanmi Mandac Diosca: «Quimsa huata quipaca sumaimana Moab llactaca chaipi tucui causaccunandimi cumurichishca canga. Chai huatacunaca caipi chaipi trabajashpa puric runapac huatacuna shinami canga. Maijan uchillacuna, fuerza illaccunami saquiringa» ninmi.

SALMOS 120:5

¡Aij ñucalla, Mesec llactapimi causacuni! ¡Cedar llactapi causaccunapac carpa huasicuna chaupipimi causacuni!

EZEQUIEL 27:21

Arabia gentecunapish, Cedar llactata mandaccunapish, malta ovejacunahuan, carnero ovejacunahuan, cari chivocunahuanmi randic carca.

CANTARES 1:5

Jerusalenpi causaccunalla, ñucaca yana cashpapish sumacmi cani. Cedar llacta carpa huasicuna shina, Salomonpac lienzo paño shina sumacmi cani.

JEREMÍAS 49:28

Babilonia llactata jatun mandac Nabucodonosor macashpa atishca Cedar aillucunamantapish, Hazor llactata mandaccunamantapish Mandac Dios huillashpaca: «¡Cedar ailluhuan macanacungapac huichai shamuichic! ¡Inti llucshic llactapi causaccunataca tucuchichicyari!

ISAÍAS 42:11

Shitashca pambapish, chaipi tiyac llactacunapish, chai muyundipi causac Cedar aillucunapish alabaichicyari. Sela llactapi causaccunapish, yallita cushicushpa urcucunaman llucshishpa cantaichicyari.

GÉNESIS 25:13

Ismaelpac punta huacharishcamanta callarishpa churicunaca caicunami: Nebaiot, Cedar, Adbeel, Mibsam,

JOB 7:1

Cai pachapi causaccunaca shaicushpami imatapish ruhuashpa causan. Paicunapac punzhacunaca, trabajac runapac punzha tucuric shinami tucurin.

1 CRÓNICAS 1:29

Ismaelpac punta churica Nebaiotmi carca. Quipa churicunaca Cedar, Adbeel, Mibsam,

JEREMÍAS 2:10

Mama cucha patapi tiyac Quitim llactaman pasashpa ricuichicyari. Cai shina maipi tucushcata yachangapac Cedar llactapi tapuchun maijanta cachaichicyari.