ISAÍAS 20:2 - Dios Rimashcata Quillcashcami

² Mandac Dios Amozpac churi Isaiasta rimashpaca: «Caimanta rishpa, can churarishca sharpa churanatapish, cambac ushutatapish llucchi» nirca. Shina nicpimi, churana illac, lluchu chaquilla purirca.

ISAÍAS 20:2 Referans Kwoze

SAN MATEO 3:4

Juanca camello millmamanta ruhuashca churanatami churashca, cara chumbihuanmi chumbillishcami carca. Paica langostacunata, shinallatac abeja mishquitami micuc carca.

MIQUEAS 1:8

Chai tucui llaquicunamantami huacashpa churanacuna illac, lluchu chaquilla purisha. Chacal, avestruz animal shinami, caparishpa huacasha.

1 SAMUEL 19:24

Saulca paipac churanacunatapish llucchishpami, caishuc runacuna shinallatac Samuelpac ñaupapi Diosmanta huillacurcacuna. Paica tucui punzha, tucui tutami lluchulla carca. Shina tucushcamantami: «¿Saulpish, Diosmanta huillacpurallatacmi?» nincuna.

ZACARÍAS 13:4

Chai punzhapica muscuipi shina ricushcata llullashpa huillaccunaca pingaichishcami canga. Paicuna millmayuc churanacunata churarishpa llullanaca tucuringami.

EZEQUIEL 24:23

Umapica turbanteta, chaquipica ushutata churaringuichic. Duelo churanatapish ama churaringuichu. Ashtahuanpish cancuna mana allita ruhuashcamantami tucui huañunguichic. Cancuna mana alli cashcamanta caishuc chaishuc llaquinacunguichic.

EZEQUIEL 24:17

Shungullapi llaquiringui. Ama duelo churanata churaringuichu. Ashtahuanpish umapica turbanteta, chaquipica ushutata churaringui. Ñahuitapish ama taparinguichu, veloriopi micunatapish ama micunguichu» nirca.

MIQUEAS 1:11

¡Safir llactapi causaccunalla, pingaihuan ñaupashpa richicyari! Zaanán llactapi causaccunaca mana llucshincunachu. Bet-esel llactapi causaccunaca llaquihuan cashcamantami cancunataca mana ayudanga.

ISAÍAS 13:1

Mandac Dios Babilonia llacta llaqui tucunamanta Amozpac churi Isaiasman muscuipi shina ricuchishpa huillashpaca:

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

HECHOS 19:16

Chashna nincami, chai supai japishca runaca jatarishpa, paicunata chugriricta macashpa, churanacunatapish lliquirca. Chaimantami paicunaca huasimantaca miticushpa lluchulla rircacuna.

SAN JUAN 21:7

Chashna tucucpimi, Jesuspac mai cuyashca yachacucca Pedrotaca: —Paica Apunchic Jesusmi— nirca. Pedroca “Apunchic Jesusmi” nicta uyashcahuanmi, churanata churarishpa yacuman shitarirca. Challuata japicushcamantami Pedroca lluchulla carca.

SAN MATEO 16:24

Chaimanta Jesús paipac yachacuccunataca: —Maijanpish ñucata catisha nishpaca, quiquin causaita mana llaquishpa, cruzta apac shina llaquita apana cashpapish, ñucata catichun.

EZEQUIEL 4:5

Israelcunaca quimsa patsac iscun chunga huatatami juchallirca. Cada huatamantami shuc punzhata canca llaquita apana cangui.

2 REYES 1:8

Shina nicpimi paicunaca: —Chai runaca millmayuc cuerpo, cinturapica cara chumbihuan chumbillishcami ninmi— nirca. Shina nicpi, jatun mandacca: —Paica tisbitapuramanta Eliasmi— nirca.

2 SAMUEL 6:20

Chai quipami, Davidca paipac familiacunata bendiciangapac cutirca. Ña David huasiman chayacpimi, Saulpac ushi Micalca Davidta tupangapac llucshishpaca: —¡Cunanca, israelcunata jatun mandacca paita serviccunapac ñaupapi maijanpish cullquimanta servic shina lluchulla danzashpaca allitamari ricuchishca!— nirca.

JOSUÉ 5:15

Shina nicpimi, Mandac Diospac soldadocunata mandacca Josuetaca: —Cambac chaquimanta ushutata llucchi. Can maipi shayacuc allpaca, Diospaclla chicanyachishcami— nirca. Shina nicpica, Josueca pai mandashcatami ruhuarca.

ÉXODO 3:5

Shina nicpimi, Mandac Diosca: —Can sarucuc allpaca ñucapacllami. Chaimanta ama cuchuyaichu. Cambac ushutata llucchi.

HECHOS 21:11

Pai ñucanchicpacman cuchuyashpa, Pablopac chumbillinata japishpa, paipac chaqui maquillata huatarishpaca: —Diospac Espirituca: “Cai chumbiyuctaca Jerusalén pueblo israelcunami huatashpa, mana israelcunaman cunga” ninmi— nirca.

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

SALMOS 30:11

Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui.

ISAÍAS 1:1

Isaiasca Amozpac churimi carca. Paica jatun mandac Uzías, Acaz, Ezequías Judá llactata mandacui huatacunapimi Judá llactapish, Jerusalenpish ima tucunata muscuipi shina ricushcata huillarca.

ISAÍAS 37:2

Chai quipami mayordomo Eliaquimtapish, quillcac Sebnatapish, curacunata pushac yuyaccunatapish sharpa churanata churachishpa Dios ima nishcata huillac Isaiaspacman cacharca. Isaiasca Amozpac churimi carca.

JEREMÍAS 48:37

Tucuimi acchatapish, barbastapish pitishpa, maquicunatapish chugririshpa, sharpa churanata churashca purincuna.

EZEQUIEL 4:1

Huañunalla runa, shuc adobeta japishpa, cambac ñaupapi churashpa, chaipi Jerusalenta dibujai.