ISAÍAS 2:10 - Dios Rimashcata Quillcashcami

¹⁰ ¡Manchana Mandac Diosmanta, jatun poderhuan achicyachicmanta ñuto allpapi, jatun rumipi miticuichicyari!

ISAÍAS 2:10 Referans Kwoze

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

SAN LUCAS 23:30

Chaimantami urcucunataca: “Ñucanchic jahuapi tuñiri” cutin lomacunataca: “Ñucanchicta tapai” ningacuna.

SAN LUCAS 12:5

Cancuna pita manchana cashcatami yachachigrini: Huañushca quipa, ucu pachaman cachac Diosta manchaichic. Ari, paillatami manchana canguichic.

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

ISAÍAS 42:22

Ashtahuanpish cai gentecunaca imatapish quichushca, sarushcami causan. Tucui paicunami jutcucunapi japi tucushpa, prezushca pacalla tiyacun. Paicunata imapish quichushca causachunmi churashca. Paicunata quishpichicca pi mana tiyanchu. Paicunamanta quichushcataca Pi: “¡Cutichichic!” mana ninchu» ninmi.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

SALMOS 90:11

¿Pitac can yallita piñarishca ima shina cashcata yachan? ¿Pitac yallita piñarishcataca entendinyari?

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

JOB 40:13

Tucui mashnata allpahuan enterraiyari. Ñahuicuna ama ricuchunpish amsapi huichcaiyari.

SALMOS 145:12

Jatun mancharinacunata can ruhuashcataca, huañuclla gentecunaman ricsichichuncuna. Can mandacuc llactapish sumaimana achic nicuc cashcata huillachuncuna.

ISAÍAS 25:11

Chashna ruhuacpipish, Moab llactapi causaccunaca yacupi huambuc runa huambungapac maquita chutac shinami chutanga. Shina cacpipish, paicuna cari tucushpa causashcamantami cumurichishca canga. Paicunapac maquita cuyuchishpapish imata mana ruhuai pudingachu.

JEREMÍAS 13:9

«Judá llactapi, Jerusalenpi causac yallita jatun tucushca gentecunatapish ismuchishca chumbita shinami tucuchigrini.

NAHÚM 3:11

Canpish machashca shinami saquiringui. Piñaccunamanta miticushpami ucupi cangui. Piñaccuna shamucpica, maipi miticunata mashcanguimi.