ISAÍAS 19:3 - Dios Rimashcata Quillcashcami

³ Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

ISAÍAS 19:3 Referans Kwoze

ISAÍAS 8:19

Maijanca cancunataca: “Huañushcacunata mañaccunaman, upayachiccunaman, adivinocunaman tapuichicyari” ningami. Chashna nicpica: “Cai runacunaca, ¿manachu paicunapac diosman tapuna can? ¿Causaccunamantaca huañushcacunaman tapungachu?” ninguichic.

DANIEL 2:2

Chaimantami jatun mandacca chai muscushcata tapungapac yachaccunata, lucerota ricushpa yachacuccunata, brujocunata, caldeocunata cayachun cacharca. Chashna cayacpimi, jatun mandacpac ñaupaman shamurca.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

DANIEL 5:7

Chaimantami jatun mandacca brujocunata, caldeocunata, adivinocunata apamuchun sinchita caparirca. Chaimantami jatun mandacca Babilonia llactapi causac chai yachaccunataca: —Maijanpish cai pircapi quillcashcata rezashpa, imata nisha nicushcata huillacmanca morado churanatami churachisha. Cutin cungapica curi huallcatami churachisha. Paimi quimsaniqui mandac canga— nirca.

EZEQUIEL 22:14

Ñuca llaquichi punzhapica, ¿cambac shungupish, maquipish fuerzata charinguichu? Mandac Dios ñucami nini. Chaitaca pactachishatacmi.

EZEQUIEL 21:7

Chashna huacacpi: “¿Imamantatac huacacungui?” nicpica: “Jatun llaquimi tiyagrin. Chai llaqui shamucpica, maquicunapish fuerza illacmi saquiringa. Mucucunapish yacu shinami chucchunga. Pipish imata mana ruhuai pudingachu” ningui. ¡Chai llaquica ñami chayamugrin! Chaitaca Mandac Dios ñucami nini» nirca.

JEREMÍAS 46:15

¿Ima nishpatac Apis nishca dios huagraca tucurishca? Mandac Dios urmachicpimi, Apis nishca dios huagraca urmarca.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

ISAÍAS 47:12

Huahuamanta pachami Brujeriata ruhuarcangui. Chai shinallatac catilla. Chashna catishpaca alli tucushpa, sinchi tucunguipishchari.

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.

ISAÍAS 14:27

Tucuita Mandac Diosmi chashna ruhuanata yuyarishca. Chaitaca, ¿pitac jarcai pudingayari? Paipac maqui alzashcataca, ¿pitac jarcangayari?

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

SALMOS 107:27

Machashca shinami sansan nishpa, caiman chaiman urmancuna. Paicuna alli yachac cashcapish yangallami tucuncuna.

SALMOS 76:12

Paimi mandaccunata cumurichin. ¡Paica cai pachata jatun mandaccunapac manchana Diosmi!

2 SAMUEL 17:23

Ashtahuanpish Ahitofelca pai yuyaita cushcata mana ruhuacpimi, paipac burrota parejashpa montashpa pai huacharishca pueblopi tiyac huasiman rirca. Paipac familia imata ruhuana cashcata ña allichishca quipaca sipirishpami huañurca. Pai huañucpica, paipac taita enterrashcallapitac enterrarca.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

2 SAMUEL 15:31

Shina ricucpimi Davidmanca: «Ahitofelpish Absalonhuan tucushpami llaquichingapac allichiricun» nishpa huillarca. Chaita uyashpami Davidca: «Mandac Dioslla, Ahitofel mana allita ruhuasha nicushcata ruhuachunca amatac saquinguichu, ashtahuanpish paitaca urmachingui» nishpa mañarca.

1 SAMUEL 25:37

Ashtahuanpish cayandi tutamanta Nabal vino ubiashca pasaricpimi, paipac huarmi Abigailca tucui ima tucushcata huillarca. Shina huillacpimi, Nabalca shungu upayashpa rumi shina saquirirca.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

2 REYES 1:2

Ocoziasca Samaria llactapi cac paipac huasi ventanamanta urmashpami yallita ungurca. Chaimantami maijan huillaccunata cachashpaca: «Ecrón pueblopi tiyac Baal-zebub diospacman rishpa, ñuca cai ungüimantaca alliyanata, mana alliyanata tapugrichic» nirca.