ISAÍAS 19:14 - Dios Rimashcata Quillcashcami

¹⁴ Mandac Diosmi paicunapac chaupipi muspachic yuyaita churashca. Egiptopi causaccunataca shuc machashca runa shitachishca jahuallapitac sansan nicuc shinata ruhuashpami pandachirca.

ISAÍAS 19:14 Referans Kwoze

2 TESALONICENSES 2:11

Chaimantami Diosca llullashpa crichichun, shinallatac llullashcata crichunpish poderta cunga.

JEREMÍAS 25:27

Canca: “Israelcunapac tucuita Mandac Diosca: Caita ubiashpa, macharishpa arcadashpa urmaichic. Jatun macanacuita llaquichichun ñuca cachacpimi, mana jataringuichic” ninmi ningui.

JOB 12:25

Machashca shinatami ruhuan. Amsa tutapi shinami tantiashpalla purincuna.

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima horacamantac cancunamanca yachachicushalla? ¿Maicamantac cancunahuanca llaquita apacushalla? Huambrata pushamuichic— nirca.

JEREMÍAS 48:26

Moab llactapi causaccunaca Mandac Diosta mana cazurcachu. Chaimanta paicunata machachichic. Chashnami paicuna arcadashca jahuallapitac singushpa, burlashpa asina tucunga.

ISAÍAS 29:14

Chaimantami cutinllatac jatun mancharinacunata ruhuashpa, cai gentecunaman ricuchigrini. Chashna ricuchicpica, alli yachaccunapac yachaipish, allita entendiccunapac entendishcapish yangami canga» nini.

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

JOB 12:16

Pai imatapish ruhuac cashpami huiñaita mishachin. Pandachiccunapish, pandariccunapish paipacmi.

JUECES 9:23

Chai quipaca Mandac Diosca Siquem pueblopi causaccunahuan, Abimelec-huan piñanacuipi churachunmi, millai espirituta cacharca.

2 CRÓNICAS 18:22

Riqui, cunanca Mandac Diosllatacmi cambac huillaccunapac shimipi llullac espirituta churashca. Mandac Diosllatacmi can llaquita apachun, chashna mandashca— nirca.

PROVERBIOS 12:8

Runaca alli yachac cashcamantami alli nishca canga. Ashtahuanpish millai shungu runataca tucuimi mana ricunayachinga.

ISAÍAS 3:12

Ñuca acllashca llactalla, paitaca huambracunami llaquichicun. Paicunami mandacun. Ñuca acllashca llactalla, cantaca mandaccunami pandata yachachishpa, mana alli pushacun.

ISAÍAS 9:16

Cai gentecunata mandaccunaca pandachiccunami. Cai mandaccunata caticcunaca pandarishpami chingaringa.

ISAÍAS 24:20

Cai pachaca machashca runa shinami, sansa nicunga. Chuclla shinami yallita cuyuringa. Cai pachapica jucha yallita miracpimi, tucui urmashpa manatac jataringa.