Biblia Todo Logo
Bib sou entènèt

- Piblisite -




ISAÍAS 17:13 - Dios Rimashcata Quillcashcami

13 Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

Gade chapit la Kopi




ISAÍAS 17:13
33 Referans Kwoze  

Llactacunapi causaccunatapish rimarcanguimi. Millaita ruhuaccunatapish tucuchircanguimi. Paicunapac shutitaca huiñaipacmi chingachircangui.


Ashtahuanpish millaita ruhuaccunaca huaira apana ucsha shinami can.


Paicunaca huaira apanalla ucsha shina, mana cashpaca jatun huaira apanalla tamo shinami.


Canta piñac achca runacunaca ñuto allpa shinami tucunga. Cutin, mana llaquic runacunaca huairapi ric tamo shinami tucunga. Chaica, cungaillami chashna tucunga.


Chaimantami tutamanta puyu llucshishpa chingaric shina, pacarimucta tamya urmashpa chaquic shina, trillana pambamanta tamota huaira apacuc shina, huasi ventanamanta cushni llucshishpa chingaric shina chingaringa.


Chashna polvocpimi, fierropish, allpamanta ruhuashcapish, broncepish, curipish, cullquipish usyai punzhacunapi trillana erapi tiyac tamo shina tucurca. Chaita huaira apacpimi, chai shayacushca pushtupica jaicapi mana ricurirca. Cutin chai runaman ricchata huactac rumica jatun urcu tucushpami, tucui cai pachata taparca.


Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.


Asiria llacta runacunataca ñuca llactapimi huañuchisha. Ñuca urcucunapimi sarushpa tucuchisha. Shinami ñuca gentecunamanta yugota anchuchisha. Aparishca llashac quipitapish anchuchishami.


Tamota huaira apashca shina callpachun. Mandac Diospac ángel catishca cachun.


Chaimantaca: “Caicamanllami chayana cangui. Caimantaca jatun huaj nicuc yacuca mana pasangachu” nircanimi.


Mama cucha yalli huaj nicuctapish, yacucuna manchanayaita jataricpipish canmi casillata ruhuangui. Llactacunapi causaccuna caparinacucpipish, canmi upallachingui.


Mandac Dios ñucaca Asiria llactata jatun mandactami cachagrini. Paimi Eufrates jatun yacu jundashpa tucui pambacunata talliric shina, chai yacu pata llactacunata tucui fuerzahuan llaquichinga.


Paicunaca espadata llucchishpa huañuchingapac caticushcamanta, flechahuan shitangapac caticushcamanta, jatun macanacuimantami miticushpa llucshin.


Pelotata shitac shinami caruta cachanga. Can chaipi huañucpimi, can sumacta purina carretacunapish tucuringa. Cambac amopac huasitapish pingaichinguimi.


Paillatacmi suerteta ruhuashpa, maipi churana cacpipish, cordelhuan medishpa allpata curca. Chaipica huahua huahuacamanmi huiñaita causanga.


Diosmanca gentecunaca baldepi tamya urmacuc shinami. Ñuto allpata balanzapi churashca shinami. Riquichic, islacunataca ñuto allpata shinami pezan.


Cunanlla plantashca yurata shina, cunanlla tarpushca yurata shina, cunanlla huiñashpa, sapita mana charic yurata huaira huactashpa chaquichic shinami, utca chaquichin. Chaquicpica, acapana huaira shamushpami ucshata shina apan.


Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.


Cancunata llaquichina punzha manarac pactacpi, Mandac Dios piñarishpa llaquichina punzha manarac pactacpi, chingariclla tamo shina manarac tucushpa llaquirichicyari.


Chashna sumaimanata ruhuacta ricushpami, tucui cai pachapi causaccunapish manchancuna. Canmi inti llucshinamanta callarishpa inti tigrana llactacaman cushichingui.


Paipac samaica yacu jundamuc shinami cungacaman tapanga. Paica tucui llactapi causaccunatami harneropi shushuc shina, tucuchingapac shamunga. Llactacunapi causaccunata pandachingapacmi frenota jazapi churanga.


Swiv nou:

Piblisite


Piblisite