ISAÍAS 17:1 - Dios Rimashcata Quillcashcami

¹ Damasco llaqui tucunamanta tucuita Mandac Dios huillashpaca: «Riquichic, Damasco llactaca ña mana llactachu canga. Chaica rumi montonllami tucunga.

ISAÍAS 17:1 Referans Kwoze

ZACARÍAS 9:1

Mandac Diosca Hadrac llactata, Damasco llactata llaquichinatami huillacun. Shinallatac cai pachapi causaccunatapish, tucui Israel aillucunatapish chaparacunmi.

ISAÍAS 25:2

Canmi llactacunatapish rumi montonta shina saquircangui. Muyundita pircashca llactacunataca tucuimi urmachircangui. Shuc llacta runacunapac huasicunatapish ñutuchircanguimi. Chaicunataca mana cutin shayachingachu.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

MIQUEAS 1:6

Mandac Diosca: «Chaimantami Samaria llactataca rumi montonta shina ruhuashpa, uvas tarpuna allpata ruhuasha. Pircashca rumicunataca pugru pambamanmi caita, chaita singuchishpa cachasha.

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

ISAÍAS 7:8

Chaica, Siria llactata mandacca Damascomi. Damascopac mandacca Rezinmi. Sucta chunga pichca huatapica Efrainpac llactaca ña mana llacta saquiringachu.

GÉNESIS 14:15

Ña tuta cacpimi, Abrampish, paipac serviccunapish cungailla japishpa macarca. Cashna macashpami, Damascomanta jahuaman saquiric Hoba llactacaman catirca.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

ISAÍAS 37:26

Chaicunataca utca huatacunallatac ruhuasha nishcata, utca punzhacunallatac yuyaricushcata, ¿manachu yacharcangui? Chaicuna cunan pactachunmi munani. Canmi muyundita jarcashca llactacunataca urmachishpa, rumi montonllata saquingui.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

ISAÍAS 13:1

Mandac Dios Babilonia llacta llaqui tucunamanta Amozpac churi Isaiasman muscuipi shina ricuchishpa huillashpaca:

ISAÍAS 10:9

Ñucamanca Calno llactaca Carquemis llacta shinallatacmi. Hamat llactapish, Arfad llacta shinallatacmi. Samaria llactapish Damasco llacta shinallami.

ISAÍAS 8:4

Chai huahuaca: “Ñuca taitito, ñuca mamita” ninata manarac yachacushpami, Damascopi, Samaria llactapi causaccuna ima charishcacunata quichushpa, Asiria llactata jatun mandacman cunga» nirca.

2 CRÓNICAS 28:23

Paica, paita llaquipi churashca Damasco pueblopi tiyac dioscunallamanmi animalcunata cushpa huañuchirca. Paica: «Siria llactata jatun mandaccunapac dioscunaca paicunataca ayudarcami. Ñucatapish ayudachun animalcunata paicunaman cushpa huañuchisha» nishpami shina ruhuarca. Ashtahuanpish chai dioscunallatacmi paitapish, tucui israelcunatapish yalli llaquipi churarca.

2 CRÓNICAS 28:5

Chaimantami paita Mandac Diosca siriocunata jatun mandacpac maquipi churacpi, chai siriocuna atishpa, achca gentecunata Damasco puebloman prezu aparca. Shinallatac Israel llactata jatun mandacpac maquipipish churacpimi, mishashpa achcata huañuchirca.

2 REYES 16:9

Asiria llactata jatun mandacca chaita japishpami, Damasco pueblopi causaccunahuan macanacungapac huichai rishpa, chai pueblota japirca. Chai pueblopi causaccunatapish Kir pueblomanmi prezu aparca. Shinallatac Rezintapish huañuchircami.

GÉNESIS 15:2

Shina nicpimi Abramca: —Mandac Dioslla, ¿ñucamanca imatatac cugringuiyari? Ñucaca huahua illacllamari cani. Ñuca charishcacunataca Damasco llactamanta ñucata servic Eliezermi japinga.

1 CRÓNICAS 18:5

Damasco pueblopi causac siriocunami Soba llactata jatun mandac Hadad-ezerta ayudangapac shamurca. Davidca chai shamuccunataca chunga ishcai huaranga runacunatami huañuchirca.

1 REYES 11:24

Rezonca Salomonhuan macanacungapacmi tauca runacunata tandachishpa, paicunata mandac tucurca. Soba llactapi causaccunata David huañuchishpa tucuchicpimi, Rezonca paipac runacunandi Damasco puebloman rishpa, chaipi causarca. Paitaca Damasco pueblopimi jatun mandac cachun churarca.

DEUTERONOMIO 13:16

Tucui chaipi japishcacunataca plazapi tandachishpa, chai japishcacunandi, Mandac Diosman cuc shina rupachinguichic. Chashnami chai llactaca huiñaita rumi montón shina tucushpa, jaicapi mana cutin shayachishca saquiringa.

ISAÍAS 7:16

Chai huahua ima alli cacta, mana alli cacta manarac yachacpimi, can manchana ishcai jatun mandaccunapac llactaca shitashca saquiringa.